ဆူဒန်အမျိုးသမီး တစ်ဦးသို့ ပေးစာ
(ဂုဏ်သိက္ခာရှိခြင်းနှင့် ဆိုးယုတ်ခြင်း)
(ဂုဏ်သိက္ခာရှိခြင်းနှင့် ဆိုးယုတ်ခြင်း)
ဆူဒန်အမျိုးသမီး တစ်ဦးသို့....
လွန်ခဲ့တဲ့ တစ်လ၊ နှစ်လတုန်းက ရှင့်ကို အပြစ်ပေးစီရင်နေတဲ့ ဗီဒီယိုမှတ်တမ်းကို ကျွန်မကြည့်ဖြစ်တယ်။ ဥပဒေနဲ့အညီ လူပုံအလယ်မှာ ကြိမ်ဒဏ် အပြစ်ပေးတာဟာ ရှင်တို့နိုင်ငံမှာ အထူးဆန်း မဟုတ် ဘူးလို့တော့ ကျွန်မ နားလည်ထားတယ်။ လူတွေရဲ့ ရက်စက်ပုံ ရက်စက်နည်း အမျိုးမျိူးတွေကို ကျွန်မ မြင်ဖူးပါတယ်။ ဒါပေမဲ့ ရှင့်ကို အပြစ်ပေးတဲ့ မြင်ကွင်းကို မြင်ရတာ ရင်ထဲမှာ ထူးထူးခြားခြား မချိမဆံ့ ဖြစ် လွန်းလို့ပါရှင်။
ကျွန်မအဲဒီ မြင်ကွင်းကို ကြည့်ပြီး စက်ဆုပ်ရွံရှာနေတဲ့ ကြားကပဲ အတွေးတချို့ပေါ်ထွက်
လာတယ်။ အမျိုးသမီး တစ်ယောက်ကို ပြင်းပြင်းထန်ထန် ရိုက်နှက်ဖို့ သတ္တိဘယ်လောက် များများ လိုအပ် သလဲလို့ ကျွန်မသိချင်လှတယ်။ (ခေါင်းဖြတ်စက်က သုတ်သင်ရေးသမား တွေတောင် သူတို့ရဲ့အရှက်ကို ဖုန်းကွယ်ဖို့အတွက် ခေါင်းတွေဖြတ်ရတဲ့အခါ မျက်နှာဖုံးစွပ်ကြသေးတယ်။)
ရှင့်ကို ကြိမ်တုတ်နဲ့ ရိုက်နှက် တဲ့ လူကတော့ သူ့ကျွမ်းကျင်မှုအတွက် ဂုဏ်ယူနေပုံရတယ်။ တစ်ချက်မှမလွဲ သူရဲ့ကြိမ်တုတ်နဲ့ ရှင့်ရဲ့ အသားထဲအထိ နစ်ဝင်သွားအောင် အမြဲထိထိနေတဲ့ ရိုက်ချက်အပေါ်မှာ အမဲဖျက်သလို ရိုက်နှက်နေရ တာကို ဘယ်လောက်များ ကျေနပ်နေလိုက်ကြသလဲ။ ဘယ်လောက်
များ လုပ်ပိုင်ခွင့်တွေ ရှိနေလိုက်ကြ သလဲ။ ဘယ်လောက်များ ယောင်္ကျား ပီသလိုက်ကြသလဲ။ ရှင့်ရဲ့ အရှက်တကွဲ အကျိုးနည်း ဖြစ်ရပ်ကို ကြည့်ပြီး ရယ်မောနေကြတဲ့ ဘေးက ရပ်ကြည့်နေကြတဲ့ အဲဒီ ယောင်္ကျားတွေကို ကြည့်ရတာလည်း လက် မရွံ့ပါးကွက်သားကို ကြည့်ရ မြင်ရ သလိုပဲ ကျွန်မ စိတ်ဆင်းရဲလွန်းပါတယ်။
ကျွန်မ ဒီလို နားလည်ထားတာရှိတယ်။ သမိုင်းကြောင်း အရ အမျိုးသမီးတွေကို ထိန်းချုပ်မှု(သူတို့ရဲ့ လှုပ်ရှားမှု၊ ပြောဆိုမှု သာလျှင်မကပါဘူး၊ အထူးသဖြင့် သူတို့ရဲ့သားအိမ်၊ မျိုးဥနဲ့ကိုယ်ဝန်ဆောင်မှုတွေ ကိစ္စအထိ အပါအဝင်) ဟာ အချုပ်အခြာ အာဏာပိုင် နိုင်ငံတွေ အဓိက အခြေခံ အုတ်မြစ်တစ်ခုပါပဲ။
တချို့ခေတ်သစ် နိုင်ငံတွေဟာ အဲဒီခေတ်ဟောင်းရဲ့ လိုအပ်ချက်ကို တဖြည်းဖြည်း စွန့်လွှတ်နေပြီ ဆိုပေမဲ့လည်း ရှင်တို့ရဲ့ နိုင်ငံလိုမျိုး တချို့နိုင်ငံတွေ (ဆော်ဒီအာရေဗျနဲ့ အခြားနိုင်ငံတွေ အပါအဝင်) ဟာ ဖိုသတ္တဝါ ကာကွယ်ရေး ဥပဒေကို အာဏာပါဝါရဲ့ ပြိုင်စံကင်းလက္ခဏာရပ် တစ်ခုအဖြစ် လက်မလွှတ်နိုင် ဖြစ်နေကြဆဲပါပဲ။
သူတို့အတွက် အမျိုးသမီးရဲ့ လုပ်ရပ်က နိုင်ငံက အရေးယူရမယ့် ကိစ္စဖြစ်နေတယ်။ ယောင်္ကျားရဲ့ လုပ်ရပ်က နိုင်ငံက အရေးယူရမယ့် ကိစ္စမဟုတ်ပါ။ အဓမ္မ ပြုကျင့်ခံရသူ အမျိုးသမီးဟာ တိုက်ခိုက်မှု
အတွက် တာဝန်ရှိတယ်။ အဓမ္မ ပြုကျင့်သူ ယောင်္ကျားအတွက်တော့ တာဝန်မရှိဘူး။
အဲဒီလို အစိုးရအုပ်ချုပ်တဲ့ နိုင်ငံတွေဟာ ဘယ်လောက်များ ကြောက်စရာ ကောင်းလိုက်သလဲ။ သူတို့ရဲ့ အာဏာပါဝါလို့ ပြောဆိုနေတာတွေဟာ ဘယ်လောက်များ သူငယ်နှပ်စား ဆန်လိုက်ကြသလဲ။
ရှင့်အနေနဲ့ ဘယ် "ဥပဒေ"ကို ချိုးဖောက်တယ်ဆိုတာ ကျွန်မမသိပါဘူး။ သိလည်းမသိချင်ပါဘူး။ ရှင့်လို အမျိုးသမီးတွေ အပြစ်ရှိကြတဲ့ ဥပဒေ ချိုးဖောက်မှုဆိုတာ သူတို့ယောင်္ကျားတွေက လံကြိုးနဲ့ ထိန်းကွပ်ထားတာနဲ့ သက်ဆိုင်တယ်ဆိုတာ ကျွန်မ သေသေချာချာ သိတယ်။
ပြီးတော့ ရှင်တို့ရဲ့ နိုင်ငံမျိုးတွေ မှာ(ပရမ်းပတာ ဖိနှိပ်တာပဲ ဖြစ်ဖြစ်၊ တိတ်တဆိတ် ဖိနှိပ်တာပဲ ဖြစ်ဖြစ်) မခံမရပ်နိုင် ပွင့်အံထွက်လာသူ တွေဟာ ရိုက်နှက်ခံရတယ်။ လူပုံအလည်မှာ တစ်ဦးတည်းရှိနေခြင်းအတွက်၊ ဆွေမျိုးသားချင်း မတော် စပ်သူတွေနဲ့ ရောထွေးနေထိုင်မှုအတွက်၊ ဆဲလ်ဖုန်း ကိုင်ဆောင်မှုအတွက်၊ ကားမောင်းမိတဲ့ အတွက်၊ ဘောင်းဘီရှည် ဝတ်ဆင်မှု အတွက် ရိုက်နှက်ခံနေရတယ်။ အလုပ်ရှင် မုဒိမ်းကောင်ရဲ့ ကလေးကို ကိုယ် ဝန်ဆောင်တဲ့အတွက် အကူအညီမဲ့၊ ခိုကိုးရာမဲ့ အမျိုးသမီးတွေဟာ ထုရိုက်ခံနေရတယ်။
ပြီးတော့ အသက် အရွယ် အပိုင်းအခြား ကိုလည်း ထည့်မစဉ်းစားကြဘူး။ နားလည် လက်ခံနိုင်စရာ မရှိတဲ့ ဥပဒေတွေ၊ အဓိပ္ပါယ်တောင် ရှာမရ၊ ပေါကြောင်ကြောင်နိုင်တဲ့ ဥပဒေတွေကို မသင့်လျော်ကြောင်း ထောက်ပြပြောဆိုတဲ့အတွက်၊ မေ့လျော့နေခြင်း အတွက်၊ ဒါမှမဟုတ် လျစ်လျူရှုခြင်း အတွက် ထောင်သွင်း အကျဉ်းချပြီး သွေးထွက်သံယို ဖြစ်အောင် နှိပ်စက်ခံနေကြရတယ်။
ဒါပေမဲ့ အမျိုးသမီး အမြောက်အများ နေထိုင်ကြရတဲ့ မတရားနှိပ်စက်ခံ၊ တိရစ္ဆြာွန်ဘဝ
ဟာ စိန် ခေါ်မှုနဲ့ ရင်ဆိုင်နေရပါပြီ။ ကျွန်မ အဲဒီဗီဒီယိုကို ကြည့်နေတုန်း စိတ်ထဲစွဲကျန်ရစ်တဲ့ တုံ့ပြန်မှုက စိန်ခေါ်မှု ထဲမှာ အရေးအကြီးဆုံးပါပဲ။ ရှင်ဟာ ငုံ့ကိုင်းမနေဘူး၊ ဒူးမထောက်ဘူး၊ ဒူးတုပ်ကွေးပုံစံနဲ့ မနေဘူး။ ရှင်ဟာ နာကျင် ဟစ်အော်တယ်။ ရှင်လဲကျသွားတယ်။ ဒါပေမဲ့ ရှင်ပြန်ထ
လာမြဲပါပဲ။ ရှင့်ရဲ့ အသားထဲကို ကြိမ်တုတ် ရိုက်ချက် နစ်ဝင်သွားပြီးတဲ့ အကြိမ်တိုင်းမှာ ရှင်ပြန်ထဖို့ ကြိုးစားတယ်။ ကြိမ်တုတ်ကို တန်ပြန် အနေအ ထားနဲ့ ရှင်ပြန်ထလာတယ်။ ရှင့်ရဲ့ တုံ့ပြန်မှုတွေကို ကြည့်ရတာ ကျွန်မရင်မှာ မချိမဆံ့ ပါပဲရှင်။
ရှင့်ရဲ့တုံ့ ပြန်မှုတွေကို " ရေးရေးမြင်လိုက်ရတဲ့ မျှော်လင့်ချက်ရောင်ခြည်များ "လို့ ကျွန်မက အတိတ်နိမိတ် ယူလိုက်ပါတယ်။ ဓမြင့်မြတ်တဲ့ ဖီဆန်မှုရဲ့ အစဦးရောင်ခြည်များဓလို့ အဓိပ္ပါယ် ယူလိုက်ပါတယ်။
ရှင့်ရဲ့ ကျောပြင်ကို ဆုတ်ပြဲသွားစေတဲ့ ရိုက်ချက်တိုင်းဟာ ကမBာတစ်ဝှမ်းက အမျိုးသမီး
တွေကို နာကျင်စေပါတယ်။ ရှင့်မှာ ရလိုက်တဲ့ အနာဒဏ်ရာဟာ ကျွန်မတို့ အမျိုးသမီး အားလုံးရဲ့ ဒဏ်ရာပါပဲ။ ရှင့်ကို ပေးမဲ့ အကြံဉာဏ် ကျွန်မမှာ မရှိပါဘူး။ ဘယ်အကြံဉာဏ်မှလည်း မပေးဝံ့ပါဘူး။
ဒါပေမဲ့ နေရာတိုင်းမှာ ရှိနေတဲ့ အမျိုးသမီး ထောင်ပေါင်းများစွာလို ဝမ်းနည်းကြေကွဲမှု၊ နောက်ဆုတ်
နေရမှုတွေကို မျှော်လင့်ချက် ပျက်သုန်းရတဲ့ အခြေအနေအထိ ရောက်အောင် အညံ့ခံ အရှုံးမပေး
နိုင်ပါဘူး။ အမျိုးသမီးတွေဟာလုံးဝ ပြောဆိုခွင့်မရတဲ့ အကြောင်းအရာတွေကို ကျယ်ကျယ်လောင်
လောင် ပြောဆိုလာကြပါပြီ။ သူတို့ ဟာ စုဝေးတောင်းဆို နေကြပါပြီ။ ဒါကြောင့် ရက်စက်ယုတ်မာမှုရဲ့ ရှေ့မှောက်မှာ ပြန်လည်မတ်မတ် ရပ် နိုင်တဲ့ ရှင့်ရဲ့ အားထုတ်မှုတွေဟာ အချည်းအနှီး မဖြစ်ပါဘူး။
အစစ်အမှန်ရှင့်ရဲ့..... တိုနီမော်ရစ်ဆန်
Toni Morrison
(တိုနီမော်ရစ်ဆန် ( Toni Morrison )ဟာ နိုဗယ်ဆု၊ ပူလစ်ဇာ ဆုရ စာရေးဆရာမ တစ်ယောက်ဖြစ်ပါ တယ်။ လူ့အခွင့်အရေး မြှင့်တင်ရေးအဖွဲ့(AHR)ရဲ့ ဘုတ်အဖွဲ့ဝင် တစ်ယောက်လည်း ဖြစ်ပါတယ်။)
သူရိန်ဝင်း (ဘာသာပြန်)
source..... ချယ်ရီ။ FEb 2012
Toni Morrison
