မင်းကွန်း

မင်းကွန်းပုထိုးတော်ကြီး

ပုထိုးတော်ကြီး၊ ခေါင်းလောင်းတော်ကြီး၊ ခြင်္သေ့ကြီး၊ မြသိန်းတန် ဘုရား စတဲ့ ရှေးဟောင်းအမွေအနှစ်များနဲ့ ခမ်းနားထည်ဝါစွာရှိနေတဲ့ ကမ္ဘာကျော်တဲ့ မြန်မာ့ ရွှာကလေး မင်းကွန်း ကို သွားဖြစ်ခဲ့ပါတယ်။

မန္တလေး မရမ်းခြံ (ပိုက်ကျုံး) ဆိပ်ကမ်းကနေ ဧရာဝတီရဲ့ အထက်ရေညာကို ဆန်တက်လာပြီး ၄၅ မိနစ်လောက်ရောက်လာလို့ အနောက်ဖက် မင်းကွန်းတောင်ရိုးကို လှမ်းမျှော်ကြည့်လိုက်ရင် အင်မတန် ထုထည်ကြီးမားတဲ့ အုတ်စေတီကြီး တစ်ဆူကို ဖူးတွေ့ရပါတယ်။ အဝေးက ကြည့်ရင်ပဲ အလွန်ထုထည်ကြီးမားစွာ တွေ့ရတာကတော့ အခြားမဟုတ်၊ ဘိုးတော်ဘုရားရဲ့ ကောင်းမှုတော်၊ ကမ္ဘာကျော် မင်းကွန်း ပုထိုးတော်ကြီးပါပဲ။

မင်းကွန်းရွှာလေးကို ရောက်ရင် လေ့လာစရာ ပုထိုးတော်ကြီး၊ ခေါင်းလောင်းတော်ကြီး၊ ခြင်္သေ့ကြီး၊ မြသိန်းတန် ဘုရား စတဲ့ ရှေးဟောင်းအမွေအနှစ်တွေ အပြင် ကမ္ဘာ့မှတ်ဥာဏ် အကောင်းဆုံး ပုဂ္ဂိုလ်ထူးကြီး ရဲ့ မိုးမိတ်ကုန်းမြေ၊ တိပိဋကဓရ သာသနာ့အာဇာနည် ပုဂ္ဂိုလ်ကျော်တွေကို မွေးထုတ်ပေးနေတဲ့ တိပိဋကနိကာယ ကျောင်းတိုက်ကြီး၊ မျိုးချစ်စိတ် သာသနာစိတ် ပြင်းထန်တဲ့ မြန်မာ့ အမျိုးသမီးကြီး ဒေါ်ဦးဇွန်း တည်ထောင်ခဲ့တဲ့ မင်းကွန်း ဘိုးဘွားရိပ်သာ စသည်ဖြင့် အများကြီးပါ။
မင်းကွန်း ပုထိုးတော်ကြီး ကတော့ မင်းကွန်းရဲ့ အထင်ကရ အကြီးဆုံး သမိုင်းဝင်လက်ရာပါ။

မင်းကွန်းပုထိုးတော်ကြီး

ဘိုးတော်မင်းတရားက ၁၁၅၂ ခုနှစ်၊ တပို့တွဲလဆန်း ၅ ရက်၊ ကြာသပတေးနေ့မှာ စတင်အုပ်မြစ်ချ ဆောက်လုပ်ခဲ့တာပါ။ ကမ္ဘာပေါ်မှာ အကြီးကျယ် အခမ်းနားဆုံး စေတီတော်ကြီး တစ်ဆူဖြစ်အောင် ပေ ၅၀၀ တိတိ အမြင့်ရှိစေဖို့ ရည်သန် ဆောက်လုပ်ခဲ့ပါတယ်။
နောင်သမိုင်းအတွက် အကြောင်းမလှတာက “ ဘုရားလည်းပြီး ပြည်ကြီးလည်းပျက်၊ မင်းကွန်းဘုရားကြီး အပြီးသတ်၊ မုဆိုးသုညကပ်” ဆိုတဲ့ တဘောင်တွေ ပေါ်လာလို့ ဘုရားကြီးပြီးရင် ဘဝရှင်မင်းတရားကြီးရဲ့ ကုန်းဘောင်ဆက် (မုဆိုးအဆက်) မင်းတွေ အဆက်ပြတ်မယ်လို့ အယူတော်မင်္ဂလာက သံတော်ဦး တင်လေတော့ နန်းပျောက်မှာတော့ ဟ- မဖြစ်ချေဘူး ဆိုပြီး ဘုရားကြီးကို ပြီးအောင် ဆက်မတည်ခဲ့လေတာကြောင့် နောင်လာနောက်သားတွေမှာ ဖူးစရာ ၁၆၂ ပေ အမြင့်မှာသာ ရှိခဲ့ရတာပါ။

မင်းကွန်းပုထိုးတော်ကြီး

မင်းကွန်းဒေသမှာ သက္ကရာဇ် ၁၂၀၀ ပြည့်နှစ် (ခရစ်နှစ် ၁၈၃၈ )၊နောင်းတန်ခူးလဆန်း ၇ ရက်၊ ၈ ရက် နေ့တွေမှာ လှုတ်သွားတဲ့ ငလျှင်ဒဏ်ကြောင့် လေးဖက်လေးတန် အက်ကွဲပြိုကျခဲ့ပေမဲ့ အုတ်သားတွေ တစ်စည်းတစ်လုံးတည်း ရှိနေတာကတော့ ရှေးမြန်မာတွေရဲ့ အင်္ဂတေစပ်နည်း မည်မျှတော်ကြောင်း လက်မထောင်စရာပါ။

အခုတော့ အက်ကြောင်းတွေ ကနေ အပေါ်တက်လို့ရတဲ့ လမ်းကလေးတွေ လုပ်ထားလို့ ပုထိုးတော်ကြီးပေါ် တက်ပြီး မင်းကွန်းဒေသရဲ့ ရူမဝတဲ့ အလှတွေ လေ့လာလို့ ရနေပါပြီ။

ပုထိုးတော်ကြီးပေါ် တက်ရာလမ်း

အတက်စောက်သလောက် ထိပ်ဆုံးရောက်သွားတော့လည်း မြင်ရသည့် ရှုမျှော်ခင်းက ရင်ကိုအေးမြစေသည်။ ခဲသားရောင်တိမ်လွှာတို့က အလိပ်လိုက် အလွှာလိုက်။ မှိုင်းမလိုနှင့်ညို့၊ ပြိုတော့မလို ရွာတော့မလို မိုးနှောင်းကာလ မြန်မာပြည်မင်းကွန်းဒေသ၏ အလှကား မြင်သူငေးမောချင်စရာ။ စေတီတော်ခြေရင်း အမိ မြစ်မင်းဧရာဝတီသည် ညွှတ်တွားခဆင်းကာသမိုင်းပေးတာဝန်ကို ကျေပွန်စွာ သားသမီးတို့အတွက် အနားမယူနိုင်ရက်အား။ ဒါပေမယ့် ဇရာရဲ့သဘောကို မလွန်ဆန်နိုင်တော့ မြစ်လယ်ကောင် သောင်ထွန်း နတ်သမီးနေတဲ့ကျွန်းများကိုလည်း မြင်ရ၏။ ကမ်းဧရာအရှေ့ဘက်က စိမ်းမြမြ လယ်ကွင်းတွေရဲ့အဆုံး ဟိုးအဝေးက မှုန်ပြပြ ရှမ်းတောင်တန်းကြီးများကို မြူတွေဆိုင်းလျက် မှိုင်းမှိုင်းညို့ညို့လွမ်းဆို့ချင်စရာ။

ပုထိုးတော်ကြီးပေါ်မှ ရှုမျှော်ခင်း

မင်းကွန်းပုထိုးတော်ကြီးရဲ့ အရှေ့ဖက်မြစ်ကမ်းနဖူးမှာတော့ ပုထိုးတော်ကြီးပြီးသွားရင် ပေ ၅၀၀ ရှိတဲ့ စေတီတော်ကြီးနဲ့ လိုက်ဖက်အောင် လှုတမ်းတည်ဆောက်ခဲ့တဲ့ ခြင်္သေ့ကြီး နှစ်ကောင် ရှိနေပါတယ်။
၁၁၅၅ ခုနှစ်၊ ပြာသိုလပြည့်ကျော် (၅) ရက်နေ့မှာ စတင် တည်ဆောက်ခဲ့ပြီး အမြင့် ၉၅ ပေရှိတဲ့ ခြင်္သေ့ကြီးတွေပါ။

ဘယ်လောက်ကြီးလဲဆိုရင် ခြေသည်း လက်သည်း လုံးပတ်ကတောင် ၄ ပေ၊ ၆ လက္မ၊ ခြေသည်း လက်သည်း အလျှားကတောင် ၅ ပေ၊ ၆ လက္မ ရှိပါတယ်။ ဒါကြောင့် ခရစ်နှစ် ၁၇၉၇၊ ဖေဖေါ်ဝါရီလ (၁၂) ရက်နေ့မှာ ဗြိတိသျှသံတမန် ဟီရန်ကော့ ရောက်လာတုန်း တည်ဆောက်နေတဲ့ ခြင်္သေ့ကြီးတွေနဲ့ ခြင်္သေ့ကြီးမှာ တပ်မဲ့ ကျောက်မျက်လုံးကြီးတွေ တွေ့သွားတော့ သူ့မှတ်တမ်းမှာ ရေးခဲ့တာက ကျောက်မျက်လုံးကြီးတွေက မတပ်ဆင်မီ တွေ့ရတာက လုံးပတ်အဝန်း ၁၃ ပေ ရှိကြောင်း၊ စက်ကိရိယာ မပါပဲ ၉၅ ပေလောက်မြင့်တဲ့ ခြင်္သေ့မျက်လုံး အခေါင်းပေါက်ထဲကို ဒီ ကျောက်မျက်လုံးကြီးတွေကို ဘယ်လို တပ်ဆင်မယ် ဆိုတာ မြင်လိုလှကြောင်း ရေးသားသွားခဲ့ပါတယ်။

ပြိုကျပျက်စီးသွားသောခြင်္သေ့ကြီး နှစ်ကောင်

အခုမှာတော့တည်ဆောက်ပြီးကတည်းက ၄၅ နှစ်လုံး အကောင်းပကတိ ရှိနေခဲ့တဲ့ ဧရာဝတီမြစ်ကြီးကို ခုန်ကူးတော့မယ်ဟန်ပြင်နေတဲ့ ခြင်္သေ့ကြီး နှစ်ကောင်ဟာ အထက်မှာပြောခဲ့တဲ့ သက္ကရာဇ် ၁၂၀၀ ပြည့်နှစ် (ခရစ်နှစ် ၁၈၃၈ )၊နောင်းတန်ခူးလဆန်း ၇ ရက်၊ ၈ ရက် နေ့တွေမှာ လှုတ်သွားတဲ့ ငလျှင်ဒဏ်ကြောင့် ပျက်စီးတတ်တဲ့ သင်္ခါရသဘောတရားကို လာရောက်လေ့လာသူတွေကို ပြနေသလိုပဲ ယခုအခါမှာ ရှေ့လက်နှစ်ဖက်၊ ခါးနဲ့ တင်ပါးဆုံလောက်သာ ကျန်တဲ့ အနေအထားနဲ့ ဧရာဝတီကနေ သူ့ဆီလာမယ့် ဧည့်သည်တွေကို ငေးမျှော်နေလေရဲ့။

 ပုထိုးတော်ကြီးခြေတော်ရင်းရှိခြင်္သေ့ကြီး နှစ်ကောင်

အထက်မှာ ပြောခဲ့သလို ဗြိတိသျှသံတမန် ဟီရန်ကော့ကြီး မြန်မာ့နည်းမြန်မာ့ဟန်နဲ့ ဘယ်လိုတွေ လုပ်ခဲ့ကြတာ မြင်ချင်ခဲ့ရင်တော့ မင်းကွန်းခေါင်းလောင်းကြီး က ပိုပြီး စိတ်ဝင်စားဖို့ ကောင်းပါလိမ့်မယ်။

ပုထိုးတော်ကြီးမှာ လှုတမ်းမဲ့ မင်းကွန်းခေါင်းလောင်းကြီးကို ဘိုးတော်ဘုရားရဲ့ ကုသိုလ်အဖြစ် ပန်းတည်းဝန် နန္ဒကျော်သူက ဧရာဝတီမြစ်လည် နန်းတော်ကျွန်းရွှာ အရှေ့တောင်ဖက်က ရှေးအခေါ် သွန်းလွန်းရွှာ၊ ယခုခေတ်အခေါ် စွန်းလွန်းရွှာမှာ ၁၁၇၀ ပြည့်နှစ်၊ ကဆုန်လဆန်း (၅) ရက်နေ့မှာ ကြေးပိသာချိန်ပေါင်း (၅၅၅၅၅) ကို သုံးကာ သွန်းလုပ်ခဲ့တာမို့လို့ မှတ်မိစေရန် မင်းဖြူမှန်မှန်ပြော လို့ လူကြီးတွေက ဆိုခဲ့တယ်။

မြစ်လည်ကျွန်းပေါ်မှာ သွန်းခဲ့တဲ့ ဒီလောက်ကြီးတဲ့ ခေါင်းလောင်ကြီးကို ဘယ်လို့ မြန်မာ့နည်းမြန်မာ့ဟန်တွေ သုံးပြီး ဒီနေရာ ရောက်ခဲ့သလဲ ဆိုတော့ ကျွန်းပေါ်မှာ သွန်းပြီးတဲ့ ခေါင်းလောင်ကြီးအောက်ခြေမှာ မြောင်းတူးပြီး အလံ ၂၀ ရှိတဲ့ ကရဝိတ်ဖောင်တော်နှစ်စင်းကို ဆောက်လုပ်ပါတယ်။ အဲဒီနောက် ဖေါင်တော်တည်ရာ အရပ်ကနေ မြစ်ဆိပ်ရောက်အောင် ဖေါင်ချောင်းတူးကာ အနောက်ဖက် ကမ်းအထိ၊ ပုထိုးတော်ကြီး မြောက်ဖက် ဧရာဝတီ ဆိပ်ကမ်းကနေ ခေါင်းလောင်းတော်ကြီး ထားမယ့်နေရာအထိ ဖေါင်ချောင်း တူးထား ပေးပါတယ်။

ဧရာဝတီရဲ့ ဝါဆိုဝါခေါင် ရေတွေကြီးချိန်ရောက်လာတော့ ဖေါင်ချောင်းထဲမှာ
ရေတွေလျှံတက်လာပြီး ဖေါင်တွေက ခေါင်းလောင်းကြီးကို ရွှက်ဆောင်ကာ ရေပေါ်မှာတည်နေတော့မှ မင်းခမ်းမင်းနားတွေနဲ့ ခေါင်းလောင်းတော်ကြီး ထားမယ့်နေရာအထိ သယ်ယူလာပြီး ချိပ်ဆွဲ လှုတမ်းခဲ့တာပါ။

 မင်းကွန်းခေါင်းလောင်းကြီး ထားရှိရာ ဗိမာန်တော်

ဘိုးတော်ဘုရားလက်ထက် ( ၁၇၈၂ - ၁၈၁၉ ) က ၁၇၉၀ ခုနှစ်တွင် သွန်းလောင်း ပူဇော်ခဲ့သော မင်းကွန်းခေါင်းလောင်းမှာ အလေးချိန်(၅၅၅၅၅)ပိဿာ (မင်းဖြူမှန်မှန်ပြော)ရှိပြီး (ရုရှ မြို့တော်) ကရင်မလင် နန်းတော် ရှိ ကမ္ဘာအကြီး ဆုံးခေါင်းလောင်းထက် တော့အနည်းငယ် သေးပါသည်။ သို့သော် ရုရှ ခေါင်းလောင်းနှင့် မတူ တမူကွဲချက်က ထိုအရာမှာ ကွဲအက်လျက် ရှိလင့်ကစား မင်းကွန်း ခေါင်းလောင်း တော်မှာမူ ပြကတေ့ အကောင်း ယနေ့တိုင် ထိုး၍ ထူ၍ အသံလွင်လွင် မြည်ဆဲပင် ရှိပါသည်။

ကြေးချိန်အလေး က ၈၇ တန် အမြင့်က ၃.၇ မီတာ တဖြာ ၁၂ ပေ ၊ အ၀န်းက ၅ မီတာ သိုမဟုတ် ၁၆ ပေခွဲ ၊ စဥ့်ကူးဘုရင် ၏မဟာဂန္ဒ ခေါင်းလောင်းထက် အတိအကျ ၃.၇၈ သိုမဟုတ် ၄ ဆနီးပါး ပိုလေးလံကာ ၁၇၉၀ ခုနှစ်တွင် သွန်းလုပ်တော်မူ ခဲ့ရာ ၁၈၄၁ ခုကျမှ သာယာဝတီမင်း လှူမဟာသစ္ဆဒ ခေါင်းလောင်း တော်ထက်တော့ ၂ ဆပို၍ လေးလံမူလေသည်။

နှိုင်းယှဉ်စရာ ထိုခေါင်းလောင်း ၂ လုံးမှာ ယနေ့ဆို ရန်ကုန် ရွှေတိဂုံစေတီ ကုန်းတော်၌ ရှိနေကြပါသည်။ မင်းကွန်း ခေါင်းလောင်းတော် ကြီးမှာ ခေါင်းလောင်းသွင်း အပ်ပညာရပ် ၌လက်ခပ် မလွဲ တစ်ခုတည်းသော လက်ရာဖြစ်သည့် အချက်ကို ဘိုးတော်ဘုရား ကိုယ်တိုင် သိတော်မူခဲ့ ဟန်ရှိ၏။ ဤအကြောင်း ကြောင့်ထင့်၊ အနုပညာ လက်ရာပညာရှင် ကိုသူ့ထက်ကြီးသည့် ခေါင်းလောင်းတလုံး ထပ်၍ သွန်းပြုလုပ်မည် ကိုစိုး၍ အဆုံးစီရင် ခဲ့သည်ဆိုသတတ်။

ခေါင်းလောင်း မဟာမှာ သူရပ်တည်ရာ တပိုးလို ၁၈၃၈ ခု ငလျင်ဒဏ်ကို ကြံ့ကြံ့ခံလျက် မပျက်မစီး ယနေ့တိုင်ပင် တွဲလွဲဆွဲ၍ တန်ဆောင်းသစ်တွင် ၀န့်ဝန့်ထယ်ထယ် ကျောက်တိုင် ၂ လုံးကြား အောက်ခြေ သံမဏိ ယက်မခံ သံမဏိတန်း အပေါ်ဝယ် စ္စမ္မယ်တော် မူလျက်ပင် ရှိသေးသည်။ ချိုမျသံသာ ထွက်ရှိလာဖို့ သာသာနှက်ရန် ဖိတ်မန္ဒက ပြုခံကြ ရပါသည်။ ယင်း မင်းကွန်း ခေါင်းလောင်း တော်ကား မင်းကွန်းဘုရား အား ရည်စူး၍ သွန်းလောင်း လှူဒါန်းတော် မူခဲ့ခြင်းဖြစ်သည်။

မင်းကွန်းခေါင်းလောင်းတော်ကြီး ကို သွန်းလုပ်ရာတွင်သုံးခဲ့သောကြေးများသည် ရခိုင်ပြည်မြောက်ဦးနန်းတော်၏ကြေးနန်းခေါင်းမိုးချပ်များဖြစ်သည်။ ကြွင်းကျန်နေသေးသည့်ကြေးနန်းခေါင်းမိုးချပ်တစ်ခုကို မြောက်ဦးမြို့ ရှိ ဗန္ဓုလဘုန်းကြီးကျောင်းတွင်ယခုပင်တွေ့ မြင်နိုင်ပါသည်။

 မင်းကွန်းခေါင်းလောင်းကြီး ထားရှိရာ ဗိမာန်တော် အ၀င်မုဒ်ဦး

ကမ္ဘာ့ သမိုင်းဝင် ခေါင်းလောင်းတော်ကြီးများအနက် မင်းကွန်းခေါင်းလောင်းကြီးသည် တန်ချိန် (၉၀)ကျော်ရှိကာ တတိယအကြီးဆုံး ခေါင်းလောင်းအဖြစ် ကမ္ဘာ မှတ်တမ်းဝင် ထူးခြားသော မြန်မာ့ ဂုဏ်ဆောင် ဖြစ်သည်။ ခေါင်းလောင်းတော်ကြီးသည် စတင်သွန်းလုပ် ခဲ့ရာမှ ၁၃၇၀ ခုနှစ်၊ ကဆုန်လတွင် သက်တမ်း ၂၀၀ ပြည့်မြောက်ခဲ့ပြီ ဖြစ်သည်။

ကမ္ဘာ ပထမ့ အကြီးဆုံး ခေါင်းလောင်းကြီးသည် တန်ချိန် (၂၀၀)ကျော် ရှိကာ ရုရှားနိုင်ငံ မော်စကိုမြို့ တွင် ရှိသည်။ ဒုတိယ အကြီးဆုံး ခေါင်းလောင်းကြီးမှလည်း မော်စကိုမြို့ တွင် ရှိပြီး တန်ချိန် (၁၂၈) ကျော်ရှိသည်။ မော်စကိုတွင် ရှိသော ခေါင်းလောင်းများမှာ တီးနိုင် ခေါက်နိုင်ခြင်း မရှိသဖြင့် အသံပိုင်းဆိုင်ရာ လေ့လာခွင့် မရကြပေ။

မင်းကွန်းခေါင်းလောင်းကြီး၏ အသံတော်မှာ (၁)မိုင်ခန့် လောက် ကပင် ကြားနိုင်သည်။ ထို့ ကြောင့် တီးနိုင် ခေါက်နိုင်သော ခေါင်းလောင်းတော်များတွင် မင်းကွန်း ခေါင်းလောင်းကြီး သည် ကမ္ဘာ အကြီးဆုံးအဖြစ် မှတ်တမ်းတင်နိုင်သည်။

ခေါင်းလောင်းတော်ကြီးကို သွန်းလုပ်ရာ ကြေးစသော အလေးချိန် ပိသာပေါင်း (၅၅၅၅၅) ပိသာ ကုန်ကျခဲ့၍ လွယ်လင့်တကူ မှတ်နိုင် ရန် “မင်း-ဖြူ-မှန်-မှန်-ပြော” ဟူသော သင်္ကေတ တစ်ခု တီထွင်ခဲ့သည်။ ခေါင်းလောင်းမသွန်းမီ စုဆောင်းထားသော ကြေးများကို ချိန်တွယ်ပြီးမှ သွန်းသောကြောင့် ပိသာ အလေးချိန်ကို တိတိကျကျ ရခဲ့ခြင်း ဖြစ်သည်။

မင်းကွန်းခေါင်းလောင်းတော်ကြီး

ခေါင်းလောင်းတော်ကြီး၏ အတိုင်းအတာများ

၁။ အ၀အချင်း - ၁၆ ပေ၊ ၉ လက်မ
၂။ လုံးပတ်အချင်း - ၅၁ ပေ၊ ၃ လက်မ
၃။ အစောက် - ၂၀ ပေ၊ ၃လက်မ
၎။ အထူ - ၁ပေ၊ ၇လက်မ
၅။ အမြင့် - ၂၇ပေ၊ ၈လက်မ တို့  ဖြစ်သည်။
(ဆွဲကွင်းထိပ်မှ အောက်စွန်းအထိ)

ခေါင်းလောင်းတော်ကြီးစာဆို

၁။ ယခင် ရှေးလူ ------------ သမိုင်းထူ
နောင်လူ သမိုင်းစောင့်ရမည်။

၂။ မင်းကွန်းခေါင်းလောင်း ------- နှစ်ထောင်သောင်း
ကြာညောင်းရှည်ရစေလိမ့်မည်။

၃။ ခေါင်းလောင်းကိုထိုး --------- ဆုပန်ပျိုး
အကျိုးရှိရာ ဆောင်ရွက်မည်။

ခေါင်းလောင်းတော်ကြီးရဲ့ မြောက်ဖက်ကိုက် ၅၀၀ လောက်အကွာမှာတော့ မြသိန်းတန်းစေတီတော် ရှိပါတယ်။ မူလက အလောင်းစည်သူမင်းကြီး ကုသိုလ် သစ်သားတန်ဆောင်းနဲ့ ရှင်ဖြူဘုရား ပါ။ ပုထိုးတော်ကြီးတည်နေတုန်းကာလမှာ ပျက်စီးနေတဲ့ တန်ဆောင်းကို မြေးတော် စစ်ကိုင်းမင်းသားက ပြုပြင်ခွင့်တောင်တာမို့ နောင်အရှည်တည်အောင် အုပ်အင်္ဂတေ နဲ့ တည်ဆောက်ခွင့်ပြုခဲ့လို့ မြသိန်းတန်းစေတီတော်ကို ၁၁၆၃ ခုနှစ်၊ တန်းခူးလဆန်း ၁၅ ရက်မှာ တည်ဆောက်ခဲ့တာ ဖြစ်ပါတယ်။ စေတီတော်ကြီးဟာလည်း သက္ကရာဇ် ၁၂၀၀ ပြည့်နှစ်မှာ လှုတ်သွားတဲ့ ငလျှင်ဒဏ်ကြောင့် ပြိုကျခဲ့ရာ မင်းတုန်းမင်းတရားကြီးက ထပ်မံပြုပြင်ခဲ့လို့ ယနေ့တိုင် ဖူးတွေ့၇တာပါ။

 ပုထိုးတော်ကြီး ပေါ်ကနေ ဖူးတွေရတဲ့ မြသိန်းတန်စေတီတော်

မင်းကွန်းရောက်ရင်တော့ အထက်မှာပြောခဲ့တဲ့လေ့လာစရာနေရာတွေကို နွားလှည်း Taxi လေးတွေနဲ့ ရွှာပတ်ဝန်းကျင်တွေကို သွားလို့ရပါတယ်။

မင်းကွန်းက နွားလှည်း Taxi

 အမှတ်တရ ဈေးဝယ်စရာ ဆိုင်လေးတွေလည်း ရှိပါတယ်။

မင်းကွန်းရွှာကလေးမှာ မြန်မာ့ကျေးလက် ရနံ့တွေ၊ ပတ်ဝန်းကျင်က သဘာဝရဲ့ အလှတရားတွေလည်း လေ့လာလို့ရပါတယ်။

မင်းကွန်းခရီးလေးရဲ့ မှတ်တမ်းလေးကို ရွှာသူရွှာသားတွေ အတွက် မျှဝေ လိုက်ရပါတယ်။
(အရှင်စန္ဒဇောတိ (ပါဠိပါရဂူ၊ ပိဋကတ်တစ်ပုံအောင်) ရဲ့” မင်းကွန်းမြေမှ ကမ္ဘာကျော် ကြီး၅ကြီး” ကို မှီငြမ်းပြုပါတယ်)။

Diamond Key

source.... Mandalay Gazzette , မြန်မာဝီကီ