၂၄..နှစ်ဆိုတာ...မနေ့တစ်နေ့ကလိုပါပဲ.......

၂၄..နှစ်ဆိုတာ...မနေ့တစ်နေ့ကလိုပါပဲ.......
..............ကွန်ဗိုကေးရှင်းကြီးကိုသတိရတယ်။
စာရွက်အပိုင်းလေးတွေ ၊ထမင်းစေ့ လေးတွေကိုသတိရတယ်။
လှမျိုးနောင်၊ဇော်မင်း၊ဌေးကြွယ်တို့ ကိုသတိရတယ်။

ကျောင်းသားတွေသူတို့ ကိုမချီ ပြီး...
ကျောင်းဝင်းတပတ်လှည့်လည်ကြပုံကိုသတိရတယ်။
အီကိုဆောင် ဂိတ်ပေါက်ကိုသတိရတယ်။
ခင်မောင်၇ီ(ခ)တင်အေး၊အိတ်ခ်ျယင်းမာ၊ညိုထွန်း။ညွန့် ဝင်းတို့ ကို သတိရတယ်။

ရေအိုးကြီးတလုံးရင်မှာပိုက်ပြီးပြေးထွက်လာတဲ့ ....
ခရမ်းပြာလက်ဘက်ရည်ဆိုင်ဘေးကငရုတ်ဆီချက်တဲ့.....
အိမ်ပိုင်ရှင်ကယားသူဌေးမကြီးကိုသတိရတယ်။
ကမ္ဘာမကျေ မြန်မာပြည် သီချင်းကိုသတိရတယ်။

မင်္ဂလာပါ ပြန်မထွင်းရသေးလို့ မြေစိုင်ခဲတွေပွထနေတဲ့.......
အင်းယားကန်ဘောင်ရိုးကိုသတိရတယ်။
ဖွေးဖွေးဖြူတဲ့တံတားသေးသေးလေးကိုသတိရတယ်။
မြေစာရင်းဦးစီးဌာနနဲ့ သံဆူးကြိုးတန်းတွေကိုသတိရတယ်။
ကုလသမဂ္ဂသို့ တင်ပြမည့် ကျောင်းသားထု၏နစ်နာချက် ၁၄ ချက်ဆိုတဲ့ ..
ဗလာစာရွက်ပိုင်းလေးကိုသတိရတယ်။

ဝါးလုံးပိုင်းကို ဓါးနဲ့ ၂ချမ်းခွဲလိုက်သလို မာလာဆောင်ရှေ့ ကနေ... ကန်ဘောင်ဘက်ကိုတခြမ်း၊ခရမ်းပြာဘက်ကိုတခြမ်း... သပ်သပ်ရပ်ရပ်ကွဲထွက်သွားတဲ့ပြာမွဲမွဲယူနီဖေါင်းအုပ်ကြီးကိုသတိရတယ်။
အဲဒီ၂အုပ်ကြားကနေ လီဗာကုန်နင်းပြီး....
မောင်းထွက်လာတဲ့မျက်ရည်ယိုဗုံးကို ကားခေါင်မိုးကနေဒလက်နဲ့ ...
ပစ်လို့ ရတဲ့ကားပြာကြီးတွေကို သတိရတယ်။

သံဆူးကြိုးတန်းအေ၇ာက်မှာကားကို ဂငယ်ကွဲဆွဲကွေ့ လိုက်ပုံ...
ခိုလိုက်လာတဲ့ ပြာမွဲမွဲကောင်က တမဟုတ်ချင်းခုန်ဆင်းပြီး... အနီးဆုံးညီတစ်ယောက်သို့ မဟုတ် အကိုတယောက်သို့ မဟုတ်...
ညီမတယောက်သို့ မဟုတ်အစ်မတယောက် သို့ မဟုတ်ငါ့ကိုယ်ထဲက
သွေး၆ပုလင်းကိုရိုက်ခွဲလိုက်တာကိုသတိရတယ်။

အင်းယားကန်ဘောင်ရိုးနဲ့ မာတင်ရိပ်သာလမ်းကြားကို....
သူရူးတယောက်လိုခေါက်တုံ့ ခေါက်ပြန်ပြေးပြီး....
ပြာမွဲမွဲကောင်တွေကိုမြေစိုင်ခဲတွေနဲ့ တလစပ်လိုက်ပစ်နေမိတဲ့ ....
ကဗျာဆရာသိပ်ဖြစ်ချင်တဲ့ကောင်လေးတယောက်ကိုသတိရတယ်။

ခြံလေးတခုထဲက မန်ကျဉ်းပင်ရိပ်အောက်မှာကွပ်ပျစ်လေးခင်းပြီး...
လသာသာညတွေမှာ ရေနွေးကြမ်းနဲ့ ငါးရံ့ ခြောက်ဖုတ်ဆီဆမ်းလေးစားပြီး
မိန်းမကိုကဗျာတွေရွတ်ပြချင်တဲ့....
အိပ်မက်လေးကျိုးကျေသွားတာကိုသတိရတယ်၊

ကြောက်လန့် တကြားနဲ့ ရေထဲကကနေ....
ကန်ဘောင်ဘက်ကိုပြန်ကူးလာတဲ့ ညီတယောက်သို့ မဟုတ်.... အကိုတယောက်သို့ မဟုတ်ညီမတယောက်သို့ မဟုတ်အစ်မတယောက်...
သို့ မဟုတ်ငါ့ကိုယ်ထဲကသွေးခြောက်ပုလင်းကို.... ပြာမွဲမွဲကောင်တကောင်ကဆွဲမတင်လိုက်ပုံပြီးတော့မှ....
နဖူးကိုရိုက်ချလိုက်ပုံကို သတိရတယ်။

၃ပဲသားတမတ်သားဆွဲကြိုးလေးတွေနဲ့ ညီမတယောက်သို့ မဟုတ်...
အစ်မတယောက် ရဲ့ ဖူးသစ်စရင်သားတွေပေါ်မှာစော်ကားကျူးကျော်ခဲ့ တဲ့ 
ပြာမွဲမွဲကောင်တွေရဲ့ လက်သရမ်းတွေကိုသတိရတယ်။
မာတင်ရိပ်သာလမ်းကြားကတိုက်ကြီးတလုံးကိုသတိရတယ်။
ကြောက်ကြောက်လန့် လန့် နဲ့ ......
မလွယ်ပေါက်တံခါးလေးဖွင့် ထားတဲ့ အကြောင်းလာပြောတဲ့......
အိမ်ဖေါ်မလေးတယောက်ရဲ့ မျက်နှာကိုသတိရတယ်။
ညီတယောက်သို့ မဟုတ် အကိုတယောက်.... ငယ်ငယ်ကရေချမ်းစင်လုပ်တမ်းကစားသလိုလက်ချင်းယှက်ပြီး...... ညီမတယောက်သို့ မဟုတ်အစ်မတယောက်ကို...
အုတ်တံတိုင်းတဖက်ကို ကျော်နိုင်အောင်ကူညီနေကြပုံကိုသတိရတယ်။

ရေစင်ကြီးအောက်ကဖါးလောင်းလေးတွေကူးနေပြီး....
ရေညှိတွေနဲ့ ချွဲနေတဲ့  အုတ်ကန်လေးထဲကရေတွေကို....
မောနေတဲ့ ညီတယောက်သို့ မဟုတ်အကိုတယောက်သို့ မဟုတ်...
ညီမတယောက်သို့ မဟုတ်အစ်မတယောက် သို့ မဟုတ်..... ငါ့ ရင်ထဲကသွေးခြောက်ပုလင်းကို..... လက်ခုပ်လေးတွေနဲ့ ခံလို့ အပြန်အလှန်တိုက်နေကြပုံကိုသတိရတယ်။

ဒီကောင်တွေကိုလက်စားချေရမယ်ကွဆိုပြီး ထော့ကျိုးထော့ကျိုးနဲ့ ....
အင်းစိန်လမ်းမဘက်ကိုဦးဆောင်ထွက်သွားတဲ့ အောင်သူကိုသတိရတယ်။
မျက်ရည်တွေနဲ့ နာနာကျဉ်းကျဉ်းရှိုက်ကြီးတငင်ငိုရင်း....
အောင်သူနောက်ကို ပြေးလိုက်သွားတဲ့မင်းသူကိုသတိရတယ်။

ဒေါသတွေနဲ့ အံကြိတ်တက်ခေါက်နေတဲ့ 
ကိုလင်း(ခ)ရွက်နုသစ်ကိုသတိရတယ်။
ရှေးဟောင်းသုတေသနဌာနဝင်းထဲက....... ကဗျာဆရာကိုဂျက်ရဲ့ တစ်ထပ်တိုက်ပုလေးကိုသတိရတယ်၊

ညနေခြောက်နာရီကျော်မှာတိတ်ဆိတ်ခြောက်ကပ်နေတဲ့ 
ပြည်လမ်းမကြီးအတိုင်း၈မိုင်ဘက်ကို ခံစားချက်မဲ့ လျောက်ပြန်လာခဲ့ ပုံ၊
အာစီတူး အဝက အင်းယားလေးကန်နဲ့ စကားပြောခဲ့ပုံ.......
အဒီလမ်းထိပ်မှာ စစ်သား၂ယောက်ပျင်း၇ိပျင်းတွဲရပ်နေပုံကိုသတိရတယ်။
ငါတို့ အဖမ်းမခံရရင် နောက်နေ့  မနက် ရ နာရီမှာ.... သိပ္ပံကင်တင်းမှာတွေ့ မယ်ဆိုတဲ့ ကတိစကားကိုသတိရတယ်။
လိုင်ဘရီရှေ့ ကကံ့ကော်ပင်အောက်ကအုတ်ခုံလေးကိုသတိရတယ်။ ၈နာရီလောက်မှာ သွေးတွေပြန်လည်ပေါင်းစုံလာကြပုံကိုသတိရတယ်။

သားရေဂျာကင်အနက်ကို ကံ့ကော်ပင်ကိုင်းတခုပေါ်ဟန်ပါပါပစ်တင်ရင်း.. အဓိပတိလမ်းနဲ့ လိုင်ဘရီအဝင်ဝ အုတ်ခုံလေးပေါ်ကနေ.... စကားပြောနေတဲ့ဇော်မင်းကိုသတိရတယ်။
နယ်မြေ စည်းကမ်းထိမ်းသိမ်းရေးက...... ကုလားတယောက်ကို ထောက်လှမ်းရေးဆိုပြီး စဖမ်းတာ....
ရယ်ရယ်မောမောပျော်ပျော်ရွှင်ရွှင်နဲ့ ပြန်လွှတ်ပေးလိုက်တာသတိရတယ်။

ကျောင်းသားများအပန်းဖြေရိပ်သာအဝင်ဝကွန်ကရစ်အမိုးကြီးနဲ့ ...
အောက်က နယ်မြေရုံးခန်းလေးကိုသတိရတယ်။
ဆရာတွေဆရာမတွေရောက်လာပြီးတားမြစ်ပုံ...
ညီတယောက်သို့ မဟုတ် အကိုတယောက်သို့ မဟုတ်...
ညီမတယောက်သို့ မဟုတ်အစ်မတယောက် သို့ မဟုတ်..... ငါ့ရင်ထဲကသွေးခြောက်ပုလင်းရဲ့ ခံစားရပုံတွေကိုသတိရတယ်။

ဆရာဆရာမတွေကိုထိုင်ကန်တော့ပြီးခဲတွေနဲ့ ပေါက်မလိုရွယ်လိုက်တော့မှ... အဓိပတိလမ်းဟိုဘက်ထိဆုတ်သွားပြီးသစ်ပုတ်ပင်ကြီးကနေ.... ဝမ်းနည်းကြေကွဲ စိုးရိမ်ခြင်းများစွာနဲ့ ရပ်ငေးနေကြရှာတဲ့.....
တို့ ကျေးဇူးရှင်တွေရဲ့ မျက်နှာတွေကိုသတိရတယ်။
သတင်းနှင့်ပြန်ကြားေ၇းကော်မီတီ၊လုံခြုံရေးကော်မီတီ၊
ဘဏ္ဌာရေးကော်မီတီ၊စည်းရုံးရေးကော်မီတီဆိုပြီးဖွဲ့ ဖြစ်တာသတိရတယ်။

ခင်မာဝေ ၊ယုယုမော်၊မိုးမြင့်ဦး၊သက်ဇင်၊ရွှေတူ(ခ)ဝင်းထိုက်....
တို့ ကိုသတိရတယ်။
ကွန်ဗိုကေးရှင်းနောက်မှာ............... ရပ်ကွက်ကောင်စီတွေရဲတွေနဲ့  လောက်စာလုံးတိုက်ပွဲ..... ဆင်နွှဲနေတဲ့ဇော်ဇော်အောင်ကိုသတိရတယ်။

စာတိုက်ပုံးတွေနဲ့ အဓိပတိလမ်းဓါတ်တိုင်တွေမှာထောက်လှမ်းရေးက... ကင်မရာတွေတပ်ထားတယ်လို့ ပြောတဲ့သူရိန် ကိုသတိရတယ်။

ငါတို့ မိန်းမတွေတောင် စင်ပေါ်တက်ပြောနေတာ...
နင်တို့ ယောင်္ကျားတွေရှေ့ တိုးမလာရဲဘူးလားဆိုပြီး..... ထမိန်ကိုပေါင်ရင်းလောက်အထိဆွဲတင်လိုက်တဲ့ .......
ယုယုမော်ရဲ့ဟန်ကိုသတိရတယ်။

အဓိပတိလမ်းပေါ်မှာ ၅ယောက်တတွဲ ညီညီညာညာထိုင်ခဲ့ တဲ့ ...
ညီတွေ အကိုတွေ ညီမတွေ အမတွေ သို့ မဟုတ်......... ငါ့ရင်ထဲကသွေးခြောက်ပုလင်းကိုသတိရတယ်။
လိုင်ဘရီအုတ်ခုံပေါ်ကနေပြုံးပြုံးကြီးထိုင်ကြည့်နေတဲ့ ....
မင်းဇေယျကိုသတိရတယ်။

..................ခုဖြစ်ရပ်ဟာ.................. မြန်မာပြည်မှာဒီမိုကရေစီဆိုတာမရှိလို့ ဆိုပြီး ကျောင်းသားတွေနဲ့ .....
ဒီမိုကရေစီကိုတရားဝင်မိတ်ဆက်ပေးခဲ့တဲ့....
ကိုမောင်မောင်(ခ)ဗိုလ်တိုက်မောင်းကိုသတိရတယ်။
စိုင်းထင်ကျော်(ခ)ခြင်္သေ့ကိုသတိရတယ်။

မောင်နှမ ၂ ယောက်တစ်ယောက်ကို တစ်ယောက် ပတ်ထွက်လာပြီး... အာစီခေါင်မိုးပေါ်မှာ ပြန်ဆုံကြတဲ့ ညီမလေး ပေါက်စီနဲ့ 
အကို သာကျော်မောင်တို့ တစ်ယောက်ကို တစ်ယောက်.......
တင်းတင်းဖက်ထားကြပုံကိုသတိရတယ်။

သူတို့ လိုဘဲ ရန်ကင်းက လိုက်လာတဲ့.... ၉တန်းကျောင်းသားလေး စောလင်းကိုသတိရတယ်။
နင်တို့ ဒီအတိုင်းလုပ်နေလို့ မရဘူး၊အသံချဲ့ စက်သုံးမှရမယ်..... ဂျပ်ဆင်ချာခ်ျထဲမှာရှိတယ်လို့ လာအကြံပေးခဲ့ တဲ့ .....
မေငြိမ်း၊ဇောင်းထက်၊အံ့ဘွယ်ကျော်တို့ အုပ်စုကို သတိရတယ်။

ကျမတို့ လည်းဒီကျောင်းကထွက်တာဘဲ၊ရှင်တို့ မယုံရင်ကြိုက်တာလုပ်...
တို့ ကျောင်းသားတွေ ဆီတို့ လာတာလို့ ရဲရဲကြီးပြောခဲ့တဲ့...
မော်တော်ပီကယ် က ဒုရဲအုပ် အမကြီး ၂ယောက်ကို သတိရတယ်။
သာသနာပိုင်ပစ္စည်းကို ကျွန်တော့်လက်နဲ့ ပေးခွင့်မရှိပါဘူးဆိုပြီး...
သံကြိုးကွင်းပေါ်မှာခတ်ထားတဲ့ ဂျပ်ဆင် ချာ့ခ်ျ ဘေးအဝင်ပေါက်သော့ကို..
ကျောင်းသားတွေဘက်ကို လှည့်ပေးထားခဲ့တဲ့ ဂျပ်ဆင် ချာ့ခ်ျက.. အစောင့်အကိုကြီကိုသတိရတယ်။

ချာ့ခ်ျထဲကနေ အသံချဲ့ စက်ပစ္စည်းတွေယူကြတော့....
ဘစ်ရှော့ကြီးရဲ့ အခန်းနဲ့  တရားဟောစင်မြင့်ပေါ်က... သမ္မာကျမ်းစာအုပ်ကို.လုံးဝမထိဘို့ ပြောခဲ့တဲ့ စကားသံတွေကို သတိရတယ်။
အသံချဲ့ စက်တွေအာစီအမိုးပေါ်မှာဆင်ရင်းချွေးတလုံးလုံးဖြစ်နေတဲ့... အံ့ဘွယ်ကျော်ကို သတိရတယ်။
ငွေစာရင်းဌာန အပေါ်ထပ်ကနေဓါတ်ပုံရိုက်တယ်ထင်ပြီး....
သွားစီးကြတာ သတိရတယ်။

လှည်းတန်းထိပ်ကနေ လက်ကိုင်ပုဝါတွေ.... စားစရာတွေပို့ ပေး၊ကျောင်းသားတွေရေးသမျှကို.... သံစည်းရိုးကြားကစောင့်ယူပြီး စာကူးစက်နဲ့ ပွားပေးတဲ့.....
ရတနာထွန်းစတိုးနဲ့  လူထုကြီးကိုသတိရတယ်။

အာစီ အပေါ်ဆုံးထပ် ရိုးရာပွဲတော် တွေကျင်းပတဲ့ခန်းမကြီးထဲမှာဖွဲ့ စည်းတဲ့
တိုးတက်သောတက္ကသိုလ်ကျောင်းသားများအဖွဲ့ (တ.တ.ဖ)ကိုသတိရတယ်။
ကော်မီတီဝင်၂၁ဦးပါတာသတိရတယ်။

သူတို့ တွေ မြန်မာ့အသံနားချိန်.....
နေ့ လည် ၂ နာရီနဲ့  ပြန်စမယ့် ညနေ ၄ နာရီကြားမှာဖြိုခွင်းလိမ့်မယ်။
တော်လှန်ရေးကို ဆက်လုပ်ဖို့ တို့ ထဲကတစ်ဝက်...
အပြင်ကိုထွက်ရလိမ့်မယ်လို့  အကြံပေးခဲ့တဲ့ မင်းဇေယျကို သတိရတယ်။

အလှုငွေတွေကို ခြေထောက်နဲ့ တောင်နင်းသိပ်ထည့်ထားရတဲ့
တက္ကသိုလ် အနုပညာအသင်းစတိုခန်းထဲက ယူလာတဲ့ ....
၂ပေ ပတ်လည်လောက်ရှိတဲ့  ၂ပေလောက်မြင့်တဲ့ ......
အလူမီနီယမ် သေတ္တာ ၂လုံးကိုသတိရတယ်။

ကျောင်းသားတွေ ဒီနေ့ ကစပြီးသပိတ်စခန်းချကြတော့မယ်ဆိုတော့.. မျက်နှာမှာ အဝတ်စီးထားတဲ့ ခပ်ဝဝအမကြီးတယောက်က.....
ဒီနေ့ ညနေစာကို ကျွန်မတို့ မိသားစုကတာဝန်ယူတယ်။
အလှုငွေ အခုလည်း ၅၀၀၀ ကျပ်ထည့်ဝင်ပါတယ်.......

အမည်မသိ အလှုရှင်တဦးလို့ မှတ်ထားပေးပါဆိုပြီး.....
လှည့်ထွက်သွားတဲ့အချိန်မှာ စင်ပေါ်ကနေ ဒီနေ့ ညနေစာကို.....
ဦးချစ် လက်ဖက်ရည်ဆိုင်မိသားစု က လှုဒါန်းပါတယ်လို့.....
ကြေငြာလိုက်တော့ ပြန်ပြေးလာပြီး ခွေးကောင်လေးတွေ..... နင်တို့ တော်တော်ဆိုးတယ် ဆိုပြီး ကျေနပ်ခြင်းတဝက်... စိတ်လှုပ်ရှားခြင်းတဝက်နဲ့ ပြောသွားတဲ့.....
ဦးချစ်သမီး အကြီးဆုံး အမကြီးကို သတိရတယ်။

နေ့ လည် ၂နာရီကျော်ကျော်မှာ အဓိပိတိလမ်းမကြီးမိန်းတံခါးကနေ ခွာသံညီညီနဲ့ ဝင်လာတဲ့ပြာမွဲမွဲကောင်တွေကိုသတိရတယ်။

သူတို့ ရှေ့ ကနေ တဖျပ်ဖျပ်ဓါတ်ပုံရိုက်ရင်းလိုက်လာတဲ့....
ကောင်တချို့ ကို သတိရတယ်။
တရားဟောနေတာမရပ်လို့ စင်ပေါ်ကနေ အတင်းဆွဲချပြီးပြေးခိုင်းရတဲ့
အကသကျောင်းသားလေးစောလင်းရဲ့ .....
မျက်လုံးတွေနဲ့ မေးရိုးတွေထောင်တက်နေတာကိုသတိရတယ်။

ညီတယောက် သို့ မဟုတ် အကိုတယောက် သို့ မဟုတ် ညီမတယောက် သို့ မဟုတ် အစ်မတစ်ယောက် သို့ မဟုတ်.... ငါ့ရင်ထဲကသွေးခြောက်ပုလင်းရဲ့ မုန်တိုင်းခေါ်သံတွေကို သတိရတယ်။ ထင်းရူးသားအလံတိုင်ထက်ပိုင်းကျိုးတွေကိုသတိရတယ်။
အုတ်ခဲအပိုင်းအစတွေကိုသတိရတယ်။
ဖေါင် ဖေါင် ဆိုပြီးကြားရတဲ့ အသံအဆုံးမှာ....
နို့ ဆီဗူးခွံသေးသေးလေးတွေရှေ့ ကိုကျလာပြီး.......
အငွေ့ တလူလူထွက်လာတာကိုသတိရတယ်။

ပြာမွဲမွဲ လူအုပ်ကြားမှာ လေး ငါးယောက်ချုပ်လို့ မနိုင် ရိုက်လို့ မလဲတဲ့ ..
ညီတစ်ယောက် သို့ မဟုတ် အစ်ကိုတစ်ယောက် သို့ မဟုတ် ညီမတယောက် သို့ မဟုတ် အစ်မတယောက် သို့ မဟုတ် ငါ့ရင်ထဲ ကသွေးခြောက်ပုလင်း၊ ငါ့ ရင်ထဲက သွေးခြောက်ပုလင်း တဖေါင်းဖေါင်းပေါက်ကွဲနေတာ
ငါပြန်ကြားနေရတာသတိရတယ်။

အဲဒီနေ့ မှာ ခြံတခြံထဲက မန်ကျဉ်းပင်ရိပ်အောက်မှာ....
ရေနွေးကြမ်းလေးသောက်လိုက်၊ငါးရံ့ခြောက်ဖုတ်လေးမြည်းလိုက်နဲ
မိန်းမကို ကဗျာလေးတွေရွတ်ပြနေတဲ့  ၂၃ နှစ်သားလေး....
တစ်ယောက်သေသွားတာကို သတိရတယ်။

ငါမွေးလာတာကို သတိရတယ်။
ငါမွေးလာတာကို သတိရတယ်။
ငါမွေးလာတာကိုသတိရတယ်။
ပုဂံလမ်းပေါ်ကျောင်းပြင်ထွက်တဲ့တံခါးဝမှာ.... ငါတို့ ၅၁ယောက်ထိုင်ပြီးအဖမ်းခံဖို့စောင့်နေတာကို သတိရတယ်။

ကျောင်းဝင်းတံခါးကို ကျော်တက်ဖို့လုပ်တဲ့ကျောင်းသားတွေကို ဘက်နက်နဲ့ လှန့် ပြီး ရယ်နေတဲ့ မြန်မာစကားမတတ်တဲ့ စစ်သားတွေကိုသတိရတယ်။
ပေါက်စီကလေးကို ….ိုးမလေး နင်တော့ဒီည... ဆန္ဒပြတဲ့အရသာသိဘို့ ပြင်ထားပေတော့ လို့ ပြောခဲ့တဲ့...... ပြာမွဲမွဲကောင်တကောင်ရဲ့ စကားသံကို သတိရတယ်။

ခင်ဗျားတို့  သားသမီးချင်းမစာနာမပြောပါနဲ့ လို့ ပြောလိုက်တဲ့ .....
မိုးမြင့်ဦး ရဲ့ ခါးရိုးကို နောက် ပြာမွဲမွဲတကောင်က......... စစ်ဖိနပ်နဲ့ ကန်လိုက်တာသတိရတယ်။
စစ်သားတစ်စုဝင်လာပြီး............. ဗိုလ်ကြီးလုပ်သူက ကျောင်းသားတွေကိုမနှိပ်စက်ဖို့....
ခနနေ အချုပ်ကားနဲ့ လာခေါ်မယ်လို့ ပြောတာသတိရနေတယ်။

ပုဂံလမ်းက နေအချုပ်ကားနဲ့ တင်ပြီးတက္ကသိုလ်ဓမ္မာရုံဝင်းထဲကို ခေါ်သွားတာ အဲဒီမှာ ကျောင်းသားတွေအပြည့်နဲ့ အချုပ်ကားတွေ..... အများကြီးတန်းစီရပ်ထားတာ.........
ရပ်ကွက်ထဲက လူတချို့  အောက်ကနေ ပြီး..... စားစရာတွေပေးတာ၊အိမ်လိပ်စာတောင်းတာတွေ သတိရတယ်။

တလမ်းလုံးမှာ ကမ္ဘာမကြေ မြန်မာပြည်သီချင်းကို........ သံပြိုင် အော်ဆိုသွားကြတာ..........
ကျောင်းသားကဒ်တွေပစ်ချပေးခဲ့ကြတာ....
စာတွေရေးပြီး လူစုစုရှိတဲ့ နေရာတွေမှာပြစ်ချပေးခဲ့တာ........
လူတွေကြောက်ကြောက်နဲ့ ပြေးကောက်ကြတာတွေသတိရတယ်။
အင်းစိန် ဂုံးကျော်တံတားကြီးပြင်နေတာသတိရတယ်။

အင်းစိန်ဘူတာ သံလမ်းအကူးမှာ ဖရဲသီးသည်လေးတွေပြေးလာပြီး အကိုတို့ အမတို့ စားကြ စားကြ.... ဟိုလက်ဘက်ရည်ဆိုင်ကအကိုကြီးတွေကျွေးတာဆိုပြီးပြောတာသတိရတယ်။
အချုပ်ကားတံခါးဝက ရဲက ဖရဲသီးသည်မလေးကို.....
ဆောင့်တွန်းလိုက်လို့ လဲသွားချိန်မှာပဲ........
တအုံးအုံး မြည်သံတွေ အချုပ်ကားနံဘေးနံရံမှာဆူညံနေတာ....
အချုပ်ကား မြေအောက်ဓါတ်ကြိုးလိုင်းတွေသွယ်ဘို့ တူးထားတဲ့ မြောင်းထဲ ထိုးကျသွားတာ သတိရတယ်။

ခုနက ခဲတွေတုတ်တွေခွေးခြေတွေနဲ့ ဝိုင်းသမကြတဲ့ ညီအကိုတွေ.... အချုပ်ကားတံခါးသော့ကို မဖွင့်တတ်တာ...... တို့ တော့လွတ်ပြီဆိုပြီးပျော်နေတုန်းမှာပဲ......
ကားက ဘက်ဂီယာဆုတ်ပြီးမြောင်းထဲကလွတ်လာတာ....
ရှေ့ ကို တရှိန်ထိုးမောင်းထွက်ပြီး လူအုပ်ကြီးဝေးကျန်ခဲ့တာသတိရတယ်။

စိတ်ပျက်လက်ပျက်နဲ့ ကမ္ဘာမကြေ ကို ဆက်ဆိုရင်း........
တို့ ကာကွယ်မလေ အဖိုးတန် မြေဆိုတဲ့ အချပိုက်အဆုံးမှာ....... တိုက်တိုက်ဆိုင်ဆိုင် အင်းစိန်တွဲဘက်ထောင်ရဲ့ ဗူးဝကြီးမှာ........
အချုပ်ကားကြီးရပ်လိုက်တာကို သတိရတယ်။

ညီတယောက် သို့ မဟုတ် အကိုတယောက် သို့ မဟုတ် ညီမတယောက် သို့ မဟုတ် အစ်မတယောက် သို့ မဟုတ်......
ငါ့ကို လှုပ်ရှားမောင်းနှင်နေတဲ့ သွေးခြောက်ပုလင်း...
သေပြီးတဲ့သူကို သတ်လို့ မရဘူး။

သူတို့ ကို သတိရခြင်းနဲ့  ငါ့လိပ်ပြာကို ထုံမွှမ်းထားတယ်ဟေ့။
ငါတို့ ဟာ ဝိဥာဉ် တစ်ခုစီမဟုတ်ဘူး။
ငါတို့ ရဲ့ ဝိဥာဉ်တခုတိုင်းဟာ အခြား ညီတွေ၊အခြားအကိုတွေ... အခြားညီမတွေ၊အခြားအစ်မတွေ သို့ မဟုတ်.... အခြားသော သွေးအုပ်စုတူ သွေးပုလင်းပေါင်းသန်းနဲ့ ချီလို့ အပြန်အလှန် ကိုယ်စားပြုတယ်ဟေ့။

ငါတို့ ဟာဝိဥာဉ်တွေ....မျိုးဆက်သစ်တွေ......
အမှန်တရားမြတ်နိုးသူတွေရဲ့....... အသည်းနှလုံးထဲကိုစိမ့်ဝင်ထုံကူးနိုင်စွမ်းတဲ့ ဝိဥာဉ်တွေ....
ငါ အသက်ရှုရပ်သွားတဲ့တနေ့ မှာငါ့ဝိဥာဉ်ကညီတယောက်သို့ မဟုတ်
အကို တစ်ယောက် သို့ မဟုတ်ညီမတယောက်သို့ မဟုတ်အစ်မတယောက်ရဲ့
သွေးခြောက်ပုလင်းထဲမှာပျော်ဝင်သွားလိမ့်မယ်လို့ ငါယုံတယ်။
သင်ပုန်းချေတယ်ဆိုတာကို မေ့ပစ်လိုက်တယ်လို့ ဘာသာပြန်လို့ မရ။

Moe Maung Maung
(Katherine Kyaw facebook မှ)