ဝါခေါင်လ စာရေးတံအလှူပွဲနှင့်
မေတ္တာ အခါတော်နေ့ 

မြန်မာ့ (၁၂) လရာသီတွင် ၀ါခေါင်လသည် ငါးလမြောက်ဖြစ်သည်။ ခရစ်နှစ်အနေဖြင့်မူ၊ ဇွန်၊ ဇူလိုင်လများတွင် ကျရောက်လေ့ရှိသည်။ မိုးဥတုဖြစ်သောကြောင့် မြန်မာတစ်ပြည်လုံးတွင် မိုးရွာသွန်းမှုများပြားသော အချိန်အခါဖြစ်သည်။ မြန်မာပြည်အရပ်ရပ် လယ်မြေတစ်ခွင်၌၊ ကောက်နှံပင်ပျိုးငယ်တို့သည် ရေပြင်ကျယ်ဖွေးဖွေးမှာ စိမ်းစိမ်းမြမြ ယိမ်းကသည့်နှယ် ထွက်ပြူနိုးထနေကြသည်။ ထို့ကြောင့်လည်း ရှေးမြန်မာတို့ က `၀ါဆိုဝါခေါင်-ရေဖေါင်ဖေါင်´ဟု ဆိုရိုးစကားထားခဲ့ကြသည်။ မြန်မာနိုင်ငံ စစ်ပြီးကာလ (အေဒီ ၁၉၄၅-၁၉၆၅) တွင်၊ ခေတ်စမ်းစာပေ ကဗျာစာဆိုရှင် မင်းသုဝဏ်က`၀ါဆို ၀ါခေါင် ရေတွေကြီးလို့၊ သပြေသီးမှည့် ကောက်စို့ကွယ်။ ခရားဆူးခြုံ ဟိုအထဲက၊ မျှော့နက်မဲကြီး တွယ်လိမ့်မယ်။ မျှော့နက် ဆိုတာ ဂျိုနဲ့လားကွဲ့၊ မြွေနဂါးတောင် ကြောက်ဖူးကွယ်။ ဒို့လည်းလိုက်မယ် အတူသွားဖို့၊ အုန်းလက်နွားလေး ထားခဲ့မယ်´ စသည်ဖြင့် ကလေးကဗျာ ရေးဖွဲ့ကာ၊ မြန်မာကျေးလက်ပြည်သူတို့၏ ၀ါတွင်းကာလ မိုးရာသီ ဓလေ့သဘာဝကို ပေါ်လွင်စေခဲ့ပါသည်။

ထို့အပြင် ဗုဒ္ဓဘာသာဝင်မြန်မာမိသားစုတို့ ၏ ၀ါတွင်းကာလ ရိုးရာဓလေ့ ကုသိုလ်ရေးရာလှုပ်ရှားမှုကို ထင်ဟပ်၍ `ဆွမ်းအုပ်နီနီ အမေရွက်လို့၊ နက်ဖန်မနက် ကျောင်းတက်မယ်၊ မောင်လည်းလိုက်မယ် ချန်မထားနဲ့၊ အမေသွားတော့ ပျင်းလှတယ်။ ကျောင်းကြီးပေါ်မှာ မောင်ငယ်ဆော့တော့ ၊ ဘုန်းကြီးအော်လို့ ရိုက်လိမ့်မယ်။ မောင်မဆော့ပေါင် စိပ်ပုတီးနဲ့၊ ဘုန်းတော်ကြီးလို နေပါ့မယ်။´ဟု သံချိုကဗျာများ မှတ်တမ်းတင်စီကုံး ခဲ့ဖူးပါသည်။

ဝါခေါင်လကို ရဟန်းတော်များဝါဆိုသော မိုးသုံးလ၏ အလယ်လဟု အနက်ဖွင့်ဆိုကြပါသည်။ ပုဂံခေတ် (အေဒီ ၁၆၇- ၁၂၈၇) တွင်မူ၊ နံကာလ- ဟူ၍လည်းခေါ်ကြသည်။ နံ- အချိန် ၊ကာ-(လယ်ယာ) ပြုလုပ်ခြင်း၊ ဖြစ်၍ လယ်လုပ်ချိန် (သို့ ) လယ်ယာစိုက်ပျိုးချိန် -ဟု ဆိုကြပါသည်။

စာရေးတံအလှူပွဲသည် ဗုဒ္ဓဘုရားရှင်လက်ထက်တော် (ဘီစီ ၅၈၈-၅၄၄) ကပင် အိန္ဒိယနိုင်ငံ၌ ပေါ်ပေါက်ခဲ့သည်။ ရာဇဂြိုလ်ပြည် ဝေဠုဝန်ကျောင်းတော်တွင်၊ ဘုရားရှင် သီတင်းသုံးတော်မူစဉ် အခါက တစ်ပြည်လုံးမိုးခေါင်၍၊ အစာအာဟာရ ငတ်မွတ်ခေါင်းပါးသော ဘေးဆိုးကျရောက်ခဲ့ဘူးသည်။ လူအများသည် ရဟန်းသံဃာတော်များအား ဆွမ်းလှူဒါန်းရန် ခက်ခဲကြရသည်။ စွမ်းနိုင်သောအချို့ပုဂ္ဂိုလ်များကလည်း၊ သံဃာတော်အများထဲမှ တစ်ပါးနှစ်ပါးစသည်ဖြင့် ရွေးကောက်၍ ဆွမ်းအတွက် တစ်ကျပ်နှစ်ကျပ် (တစ်ဆယ်၊နှစ်ဆယ်) တို့ကို လှူဒါန်းခဲ့ကြသည်။ အချို့ပုဂ္ဂိုလ်များကမူ စာရေးတံမဲချ၍ စွမ်းနိုင်သမျှ လှူဒါန်းကြသည်။ ထိုသို့လှူဒါန်းကြခြင်းကို လက်ခံနိုင်ရန် ဘုရားရှင်အား လျှောက်ထားခွင့်ပန်ကြရာ၊ သလာကဘတ္တ (သလာက- စာရေးတံမဲ၊ ဘတ္တ- ဆွမ်း) စာရေးတံမဲဆွမ်းအလှူကို လက်ခံနိုင်ကြောင်း ခွင့်ပြုပေးတော်မူခဲ့ပါသည်။

ရှေးဦးအခါကမူ စာရေးတံမဲ ဟူသည်မှာ သစ်သားဖြင့်ပြုလုပ်ထားသော သစ်သားချောင်း၊ သစ်သားတံငယ်၌ဖြစ်စေ၊ ၀ါးခြမ်းပြား၊ နှီးပြား၊ ပေရွက် စသည်၌ဖြစ်စေ၊ ဆွမ်းဒါယကာ-ဒါယိကာမတို့၏ အမည်နှင့်ပင့်လျှောက်ချက်တို့ကို ရေးသားထားသည့်၊ (၀ါ) ကောင်းမှုရှင်အမည်တို့ကို ရေးထားသော သစ်သားတံကို စာရေးတံဟူ၍ ခေါ်ဆိုခဲ့ကြခြင်းဖြစ်သည်။

ထိုစာရေးတံမဲကို ကံစမ်းမဲအဖြစ် ခြင်းတောင်း၌သော်လည်းကောင်း၊ သင်္ကန်းလိပ်၌သော်လည်းကောင်း ထည့်ထား၍ ရဟန်းတော်များက နှိုက်ယူကြရသည်။ ထိုသို့ နှိုိက်ယူ၍ စာရေးတံမဲ (၀ါ) စာရေးတံ ကံစမ်းမဲကျသော ရဟန်းတော်သည် မဲကျရာ (သို့) မဲပေါက်ရာ ဆွမ်းဒါယကာ- ဒါယိကာမတို့၏အိမ်သို့ ဆွမ်းဘုဉ်းပေး (ဆွမ်းစား) ကြွတော်မူရသည်။ အချို့သော ဒါယိကာ-ဒါယိကာမတို့မှာမူ မိမိအိမ်သို့ မပင့်ဆောင်နိုင်သောကြောင့်၊ ရဟန်းတော်အထံသို့ သွားရောက်၍ ဆွမ်းအုပ် (ရှေးခေတ်သုံးဆွမ်းထည့်ပစ္စည်း) ကို ပို့လှူဆက်ကပ်ကြရသည်။ ဘုရားရှင်လက်ထက်တော်အခါက ဗာရာဏသီမြို့ ဆင်ခြေဖုံး (အစွန်အဖျား) ရပ်တွင် နေထိုင်သည့် အလွန်ဆင်းရဲသော မဟာဒုက် (မဟာဒုဂ္ဂက- အလွန်ဆင်းရဲသူ) ၏ စာရေးတံမဲ ဆွမ်းအလှူသည် မြန်မာဗုဒ္ဓဘာသာဝင်တို့၏ သမိုင်းကြောင်းတွင် အားကျအတုယူဖွယ် ထင်ရှားသော စံနမူနာပြ ကုသိုလ်ထူးကြီးဖြစ်ခဲ့ပါသည်။

စာရေးတံမဲဆွမ်း- အလှူပွဲကို ၀ါခေါင်လတွင် ကျင်းပရခြင်းမှာ၊ ၀ါတွင်းကာလဖြစ်၍ ကျောင်းတိုက်အတွင်း၌ ရဟန်းတော်များ တစ်စုတစ်ရုံးတည်းရှိနေခြင်း၊ မိုးရာသီဖြစ်သောကြောင့် ရဟန်းတော်များ ဆွမ်းခံကြွရာတွင်မလွယ်ကူ၍၊ ဆွမ်းကိစ္စခက်ခဲခြင်းတို့ကြောင့် ပြုလုပ်ခဲ့ကြဟန်ရှိပါသည်။ မူလက ဆွမ်းကိုသာ ရည်ရွယ်ခဲ့သော်လည်း နောင်အခါ၌ စွမ်းနိုင်သည့်အလျောက် လိုအပ်ရာရာတို့ကို ဖြည့်စွက်လှူဒါန်းလာခဲ့ကြသည်။ ရှေးဦးကာလက စာရေးတံ၌ လူဒါယကာတို့၏ အမည်ကို ရေး၍ ရဟန်းသံဃာတော်များက မဲနိုက်ယူကြရသည်။ နောင်အခါ၌ မဲတံတွင် ရဟန်းဘွဲ့တော် (အမည်) ကို ရေး၍၊ လူဒါယကာတို့က နိုက်ရွေးကြရသည်။ မည်သည့် ရဟန်းသံဃာတော်ဟူ၍ ရင်းနှီးကြည်ညိုရာ ပုဂ္ဂိုလ်စွဲမထားပဲ၊ မဲကျရာသံဃာတော်ကိုသာ ၀ါကြီးဝါငယ်၊ ကြီး ငယ် ရွယ် လတ်မရွေး၊ မထေရ်ကြီး (၀ါတော်ကြီးသော ရဟန်းတော်) ပဲ ရရ၊ သာမဏေ (ကိုရင်) ငယ်ပင် ကျကျ၊ ၀မ်းမြောက်ဝမ်းသာ ကြည်နူးစွာ လှူဒါန်းကြရသော သံဃိကဒါန တစ်မျိုးပင် ဖြစ်ပါသည်။

ကုန်းဘောင်ခေတ် (အေဒီ ၁၇၅၂- ၁၈၈၅)၊ ဘကြီးတော်ဘုရား လက်ထက်တွင် စာရေးတံအလှူပွဲကျင်းပပုံကို၊ ကုန်းဘောင်ဆက်ရာဇ၀င် (ဒုတိယတွဲ) စာအုပ်၌ ဖေါ်ပြထားသည်မှာ- ၀ါခေါင်လပြည့်ကျော် (၈) ရက်နေ့၊ ဂါမ၀ါသီပုဂ္ဂိုလ် (မြို့နေသံဃာ)၊ အရည၀ါသီပုဂ္ဂိုလ် (တောနေသံဃာ) အရိယာသံဃာတော်အပေါင်းတို့အား၊ ပရိက္ခရာ (၈) ပါးနှင့်တကွ ရဟန်းတို့ အသုံးအဆောင်ပစ္စည်း စသည်တို့ အပြည့်အစုံ ဆွဲ၍၊ ပဒေသာပင်ရေ-၂၆၀ ကို အတွင်းတော်သွင်းပြီးလျှင်၊ အရှင်မိဖုရားခေါင်ကြီးနှင့်တကွ ရေစက်သွန်းတော်မူ၍ သလာကဘတ် စာရေးတံ ဆွမ်းလှူတော်မူသည်။ ဟူ၍ ဖြစ်ရာ၊ မြန်မာရှင်ဘုရင်နှင့် ပြည်သူလူထုအများတို့သည် စာရေးတံမဲ အလှူပွဲကို ၀ါခေါင်လတွင် ခြိမ့်ခြိမ့်သဲသဲ ကျင်းပခဲ့ကြောင်း ထင်ရှားလှပါသည်။ ယခုခေတ်အခါတွင်မူ၊ ၀ါခေါင်လ- ဟူ၍ သတ်မှတ်မှု မရှိတော့ပါ။ ကျေးရွာ၊ရပ်ကွက်၊ မြို့နယ်ဒေသဆိုင်ရာစေတီ၊ ပုထိုး၊ ရုပ်ပွားဆင်းတုတော်မြတ် နှင့် ဓမ္မာရုံတို့ကို မူတည်၍၊ ဗုဒ္ဓပူဇနိယပွဲတော် (ဘုရားပူဇေါ်ပွဲ) ကျင်းပသော အချိန်အခါများတွင် စာရေးတံမဲဖောက်ကာ၊ ဆွမ်းနှင့်တကွ သင်္ကန်းအစရှိသော လှူဖွယ်ဝတ္ထုအစုစုတို့ကို၊ ခမ်းနားကြီးကျယ်စွာ ဆင်ယင်လျှက် လှူဒါန်းလေ့ရှိကြပါသည်။ စာရေးတံ- ဟူရာ၌လည်း စာရွက်ငယ်ပေါ်တွင် မဲဂဏန်းများ ရေးသားထားသော မဲလိပ် (၀ါ) စက္ကူလိပ်ငယ် ကိုသာသုံးကြတော့သည်။ ထိုမဲလိပ်များကို ငွေဖလားကြီးတစ်လုံးတွင် ထည့်၍၊ ပင့်လျှောက်ခံရသော ရဟန်းသံဃာတော်များက နှိုက်ယူကြရသည်။ မဲကျရာဂဏန်းအလိုက် ပြင်ဆင်ထားသော ဆွမ်းသပိတ်နှင့်တကွ လှူဖွယ်ပစ္စည်းတို့ကို ဆက်ကပ်လှူဒါန်းကြသည်။ စာရေးတံမဲသည် ရဟန်းသံဃာ (သို့မဟုတ်) လူဒါယကာ မဟုတ်တော့ပဲ၊ လှူဖွယ်ပစ္စည်း အဖြစ်သို့  ပြောင်းလဲနေပြီဖြစ်သည်။

ဤသို့ နှစ်စဉ် အချိန်ကာလအားလျော်စွာ လှူဒါန်းလေ့ရှိကြသော စာရေးတံမဲအလှူနှင့် အခြားသော ကောင်းမှုဒါနများကြောင့်လည်း၊ မြန်မာတစ်နိုင်ငံလုံးတွင် ရှိနေသော တောနေမြို့နေ ရဟန်း၊ သာမဏေ (၅) သိန်းခွဲကျော်တို့သည် ၀ါတွင်းအခါကာလတို့၌၊ စာချစာသင် (ပရိယတ္တိအလုပ်)၊ တရားအားထုတ်ခြင်း အကျင့် (ပဋိပတ္တိအလုပ်) တို့ဖြင့် ချမ်းသာအေးချမ်းစွာ နေထိုင်သီတင်းသုံးနိုင်ကြပါတော့သည်။

ဝါခေါင်လပြည့်နေ့ကို `မေတ္တာအခါတော်နေ့´ ဟူ၍ ဗုဒ္ဓဒေသနာတော်ကို အမှီပြုကာ သတ်မှတ်ကျင်းပလေ့ ရှိကြပါသည်။ ထိုနေ့တွင် မေတ္တာသုတ်တော်ကို ရဟန်းသံဃာတော်များအထံမှ နာယူကြည်ညိုခြင်း၊ ကိုယ်တိုင် စုပေါင်းရွတ်ဖတ် ပူဇော်ကြခြင်း နှင့် ကျေးငှက် သားငါး တိရစ္ဆာန် တို့ကို ဘေးမဲ့လွှတ်ခြင်း၊ သက်သတ်လွတ်စားခြင်း စသည့်ကောင်းမှုတို့ကို ပြုလုပ်လေ့ရှိကြပါသည်။ မေတ္တာသည် ပါဠိစကားဖြစ်၍ မြန်မာလို ချစ်ခြင်း ဟူ၍ ပြန်ဆိုကြသည်။

မေတ္တာ၏ ပင်ကိုသဘောမှာ သူတစ်ပါး၏ အကျိုးကိုလိုလားခြင်းနှင့် သူတစ်ပါးတို့အား ချမ်းသာစေလိုခြင်း ပင်ဖြစ်ပါသည်။ သက်ရှိ သတ္တ၀ါတို့၏ အကျိုးစီးပွားကိုလိုလား တောင့်တစွာ ရှမြင်ဆင်ခြင်လျက် ကြံစည် ပြောဆို ပြုမူတတ်သူမှာ မေတ္တာရှင် ဖြစ်သည်။ နွားနို့ တစ်ညှစ်စာ (သို့မဟုတ်) နံ့သာတစ်ရှိုက်စာခန့်မျှ အချိန်ပိုင်းလောက်ကလေးအား မေတ္တာပွားများခြင်းပင် အကျိုးကြီးမားလှ၏ဟု၊ ဗုဒ္ဓဘုရားရှင်က ဟောမိန့်ဘူးပါသည်။

သတ္တ၀ါများ အပေါ်တွင် မေတ္တာပွားများခြင်းအားဖြင့်၊ ချမ်းသာ- အိပ်နိုး၊ အိပ်မက်ဆိုးကင်း၊ ချစ်ခြင်း လူနတ် ၊ နတ်စောင့်တတ်လျက်၊ လက်နက်ဆိပ်မီး၊ မရောက် ပြီးခဲ့ ၊ စိတ်လည်း တည်စွာ၊ မျက်နှာ ကြည်လင်၊ သေလျှင်မတွေ၊ သေသောအခါ၊ ဗြဟ္မာ့ရွာသို့၊ လားရာ အကျိုး၊ ဆယ့်တစ်မျိုး။ ဟူ၍၊ လောကီအကျိုး (၁၁) မျိုး ရရှိနိုင်ကြောင်း ပိဋကကျမ်းစာများတွင် ဖေါ်ပြထားပါသည်။ မေတ္တသုတ်တော်လာ ကျင့်စဉ်များကို ကျင့်ကြံအားထုတ်ခြင်းဖြင့်လည်း၊ ဘ၀တစ်ဖန် အသစ်မဖြစ်ရခြင်း– ဟူသော လောကုတ္တရာအကျိုး ကိုရရှိနိုင်ကြောင်း ဆိုထားပါသည်။

ဘုရားရှင်လက်ထက်တော်အခါက၊ ရဟန်းတော် (၅၀၀) တို့သည် ဟိမ၀န္တာတောအုပ်တစ်ခုတွင် ၀ါဆို၍ တရားအားထုတ် သီတင်းသုံးတော်မူကြသည်။ ရဟန်းတော်များ၏ သီလ အရှိန်အ၀ါကြောင့် တောအုပ်နေ နတ်မိသားစုများမှာ ဆင်းရဲကြရသည်။ သို့ဖြစ်၍ ရဟန်းတော်များအား တောအုပ်တွင်မနေနိုင်အောင် ပုံစံအမျိုးမျိုးဖြင့် ခြောက်လှန့်နှောက်ယှက်ကြသည်။ ရဟန်းအများမှာ စိတ်တည်ငြိမ်မှု မရပဲ ထိတ်လန့်ခြောက်ခြားကာ တရားအားမထုတ်နိုင်ကြတော့ပေ။ ဘုရားရှင်အထံသို့ ပြန်ကြွတော်မူကြ၍ ဖြစ်ပုံအလုံးစုံကို လျှောက်ထားကြရသည်။ ဘုရားရှင်က မေတ္တသုတ်ပရိတ်တော်ကို သင်ကြားပေးတော်မူ၍ မေတ္တာစိတ်ပြည့်ဝအောင် အထူးပွားများကြစေသည်။ ရဟန်းတော်များသည် မေတ္တာပွားများတော်မူကြလျက် သုတ်တော်လာကျင့်စဉ်မြတ်တို့ဖြင့် တောအုပ်သို့ပြန်ကြွတော်မူကြရာ၊ နတ်တို့က ချစ်ခင်ကြည်ဖြူစွာ ကြိုဆိုစောင့်ရှောက်ကြသည်။ ထိုအခါမှ ရဟန်းတော်များသည် ချမ်းသာစွာနေထိုင်ကြရလျုက် ၀ါမကျွတ်မီမှာပင်၊ တရားထူးတရားမြတ်များကို ပေါက်ရောက်သိမြင်ရရှိကြသည်။ ဤအခြင်းအရာ ဖြစ်စဉ်တို့ကို အကြောင်းပြု၍ မေတ္တာအခါတော်နေ့ဟု ဖြစ်ပေါ်သတ်မှတ်လာခဲ့ကြခြင်းဖြစ်ပါသည်။

ယနေ့ အချိန်အခါတွင်၊ မေတ္တသုတ် ပရိတ်တရားတော်ကို မြန်မာပြည်သူ ပြည်သား ဗုဒ္ဓဘာသာဝင်အပေါင်းတို့သည် အချိန်အခါ၊ ရာသီမရွေး၊ နေ့ညမဟူ ရွတ်ပွားပူဇော်ကြခြင်း၊ နာယူကြည်ညိုကြခြင်း၊ ကျင့်စဉ်လာအတိုင်း ပွားများခြင်း အားဖြင့် အစဉ်အလာရိုးရာဓလေ့ကို၊ ဗုဒ္ဓဒေသနာတော် ဉာဏ်အသိဖြင့် စပ်ယှဉ်ကာ၊ မေတ္တာနှလုံး ကိုယ်စီသုံးလျက် ရွှင်ပြုံးမွေ့လျော်နေကြပြီ ဖြစ်ပါသည်။

(ရတနာပုံနေပြည်တော် သတင်းစာမှ )

ဝါခေါင်လ

      ထက်အာကာဘုံစွန်းက
      တောက်ထွန်းလို့ ထိန်ဝါ
      သရက်ဝဏ်ေ၇ွှကြယ်မင်း
      လင်းတဲ့ချိန်ခါ
      လေညှင်းငယ်လာ ၊ သိဟ်ရာသီမို့ 
      ရှုတိုင်းငယ် ဘယ်ညာက
      ပန်းခတ္တာ ၀တ်မှုံကျင်းတယ်
      သင်းပျံ့ လှိုင်လို့ 
      ( ဖိုးသူတော်ဦးမင်း )

      ၀ါခေါင်လဘွဲ့ ကို ရှေးစာဆိုတော်ကြီး ဖိုးသူတော်ဦးမင်းက အထက်ပါအတိုင်းတို
ရှင်းလိုရင်းစပ်ဆိုထားသဖြင့် ၊ ၀ါခေါင်လကိုမြန်မာမူအရသိဟ်ရာသီခေါ်၍စန်းပြည့်နက္ခ
မှာသရ၀ဏ်နက္ခ့ဖြစ်ကြောင်းသိရှိရသည် ။ ယှဉ်သောတာရာမှာ ဗျိုင်းတာရာဖြစ်ပြီးရာ
သီရုပ်မှာခြင်္သေ့ရုပ်ဖြစ်သည် ၊  ရာသီပန်းမှာခတ္တာပန်းဖြစ်သည် ။

      ၀ါခေါင်လသည် မြန်မာပြက္ခဒိန်တွင် ပဉ္စမမြောက်လဖြစ်ပြီး ရက်မစုံလဖြစ်သည် ၊
 ဝေဒပညာအရ သိဟ်ရာသီ လို့ခေါ်ဆိုရေးသားကြသည် ၊   “ဝါခေါင်”လို့ ဆိုရာမှာ ဝါတွင်းသုံးလအတွင်း
“ဝါခေါင် လပြည့်ကျော် (၁)ရက်ကနေ တော်သလင်း လပြည့်ကျော် (၁) ရက်နေ့ အထိ” ၁ လတာ အချိန်ဟာဝါရဲ့ အလယ်ဗဟို ဖြစ်တဲ့အတွက် “ဝါလယ်” ဆိုတဲ့ အနက် အဓိပ္ပါယ်ကို ယူပြီး
ရှေ့လူကြီးတွေက ဝါခေါင်လို့ ခေါ်ဆိုကြခြင်းဖြစ်သည်။

          ပုဂံခေတ် တွင် ၀ါခေါင်လကို “နံကာ” ဟု ခေါ်ဆို သုံးနူန်းခဲ့သည်ဟုဆရာကြီး ဦးဖိုးလတ်၏ “မြန်မာလ အမည်များ” စာအုပ်တွင်ရေးသာထားပါသည် “နံ” ဆိုတာ “အချိန်အခါ၊ ကာလ” လို့ အဟော ထွက်တဲ့ အကြောင်း၊

“ကာ” ဆိုတဲ့ စာလုံးမှာ “ပြုလုပ်သည်” ဆိုတဲ့ သဘော။ ထို့ကြောင့် ဝါတွင်း ဆောင်ရွက်စရာ ကိစ္စတွေနဲ့ ပတ်သက်သုံးရတဲ့အခါ “ဝါခေါင်”လို့ ခေါ်ကြပါသည် ။ “ဝါခေါင်” နဲ့ အဓိပ္ပါယ် ယူရင် “ရဟန်းတော်များ ကျောင်း၌ နေရသောမိုးသုံးလ၏ အလယ်လ၊ ဝါလယ်လ” ဟုဆိုရမှာဖြစ်ပါသည်။
“နံကာ” နဲ့ အဓိပ္ပါယ် ယူရင်တော့ “လယ်လုပ်ချိန်၊ ထွန်ထယ်ချိန်၊ စိုက်ပျိုးချိန်လ” ဆိုရမှာဖြစ်ပါသည်။

ဝါခေါင်တွင် အရပ်လေးမျက်နှာ အမြဲတမ်းမိုးသား တိမ်တိုက်တွေ ဖုံးအုပ်နေ တတ်ပြီး ၊ မိုးမရွာတတ်ပါ ၊
ရွာရင်လဲ မိုးကမတိတ် တတ်တော့သမို့
(၀ါခေါင်တကြောင်း ထနောင်း ၊ ကြောင်ခြစ် ဆူးရစ်ပွင့်ခါ ၊ မိုးမရွာ ရွာပါသော်လဲ မိုးမစဲလို့ ) ဆိုစမှတ်ပြုကြပါသည်။

ဝါခေါင်လသညမိုးဥတုသို့ကောင်းစွာကျရောက်ပြီဖြစ်သဖြင့်မိုးဖြိုင်ဖြိုင်ရွာသောလဖြစ်သည် မြစ်များ ချောင်းများ ကန်များတွင်ရေများပြည့်လျံသောလဖြစ်သည်။
      ဆရာမင်းသုဝဏ်က

      ၀ါဆိုဝါခေါင်ရေတွေကြီးလို့ ၊ သပြေသီးမှည့်ကောက်စို့ ကွယ်
      ခရာဆူးခြုံဟိုအထဲက ၊ မျှော့နက်မဲကြီးတွယ်တက်တယ်
      မျှော့နက်ဆိုတာ  ဂျိုနဲ့ လားကွဲ့  ၊ မြွေနဂါးတောင်မကြောက်ဘူးကွယ်
      တို့ လဲကြောက်ပေါင်အတူသွားစို့  ၊ အုန်းလက်နွားလေးထားခဲ့မယ်
      သွားကွယ် ၊ သွားမယ် ၊

      ဟုစပ်ဆိုထားသော ကလေးကဗျာလေးမှာ ၀ါခေါင်လတွင်ခလေးများရေကြီးလို့ ပျော်ရွှင်ကြပုံကိုပေါ်လွင်စေပါသည် ၊

      မြန်မာလများသည် ဗုဒ္ဓနှင့်ဆက်သွယ်မှုတခုတခုတော့ရှိစမြဲဖြစ်သည် ၊ ၀ါခေါင်လ
တွင် ဗုဒ္ဓဘာသာဝင်များအတွက် ထူးခြားသော အဖြစ်အပျက် နှစ်ခုရှိပါသည် ။ တခုမှာ
မြတ်ဗုဒ္ဓသည် မေတ္တာသုတ်ကို စတင်ဟောကြားသောလဖြစ်ပြီး ၊ နောက်အဖြစ်အပျက်
တခုမှာ စာရေးတံမဲအလှူပွဲဖြစ်သည် ၊

 မေတ္တာအခါသမယ ၀ါခေါင်လ
ဂေါတမမြတ်စွာဘုရားရှင်လက်ထက်တော်အခါက ၊ ရဟန်း ၅၀၀ တို့ သည်ဘုရား
ထံမှ ကမ္မဋ္ဌာန်းတရားယူပြီးနောက် တောအုပ်တခု အတွင်းသို့ ဝင်ရောက်၍ ၀ါဆိုဝါကပ်
ပြုတော်မူကြသည် ၊ ရဟန်းများ သစ်ပင်ဝါးပင်များအောက်တွင် ၀င်ရောက်သီတင်းသုံး
ကြသောအခါ ၊ သစ်ပင်စောင့်နတ်များ နှင့် ရုက္ခစိုးနတ်တို့ မှာရဟန်းများ၏သီလတန်းခိုး
ကြောင့် မိမိတို့ နေရာသစ်ပင်များတွင် မနေနိုင်ဖြစ်ကြခါ၊ရဟန်းတို့ ကို အသံအမျိုးမျိုးတို့ 
ဖြင့်မနေနိုင်အောင်ခြောက်လှန့် ကြကုန်၏ ၊ရဟန်များလဲရုက္ခစိုးနတ်များ၏ခြောက်လှန့်
မှုများကြောင့် တရားကိုကောင်းစွာအားမထုတ်နိုင်သောကြောင့် ၀ါတွင်းမှာပင်မြတ်စွာ
ဘုရားသီတင်းသုံးနေရာဖြစ်သောသာဝတ္တပြည်ဇေတ၀န်ကျောင်းသို ပြန်ကြွသွားကြရ
လေသည်။ဤအကြောင်းကိုမြတ်စွာဘုရားအားလျောက်ထားသောအခါ

         မြတ်စွာဘုရားကတောတွင်းနေထိုင်သောရုက္ခစိုးနတ်အပေါင်းတို့အား မေတ္တာပို့
ပေးရန်တွက် မေတ္တာသုတ်ကိုဟောတော်မူပြီး၊ မေတ္တာလက်နက်ကိုယူဆောင်ပြီးတော
အုပ်သို့ ပြန်သွားကြရန်တိုက်တွန်းလေသည်၊

      ရဟန်းများတောအုပ်သို့ ပြန်ရောက်ပြီး မေတ္တာသုတ်ကိုရွတ်ဆိုသောအခါ ၊ ရဟန်း
များ၏မေတ္တာဓါတ်ကြောင့် နတ်များကချစ်ခင်နှစ်သက်လာကြသဖြင့် တရားကိုကောင်း
စွာအားထုတ်နိုင်ခဲ့ကြသည် ၊ ရဟန်း ၅၀၀ တို့ သည် ထိုတောအုပ်အတွင်းမှာပင် ဒုတိယ၀ါကပ်တော်မူကြပြီးမေတ္တာာဘာဝနာကိုပွါးများ၍၀ိပဿနာတရားကိုအားထုတ်သောအခါ
ဝါမကျွတ်မှီ ရဟန်း ၅၀၀ စလုံး ရဟန္တာများဖြစ်တော်မူကြပါသည် ၊

    ရဟန်း ၅၀၀ ကိုအကြောင်ြး့ပု၍ ၀ါတွင်းကာလတွင်မေတ္တာသုတ်ကိုဟော တော်မူခြင်း
 ရဟန်း ၅၀၀ တို့ တောအုပ်သို့ ပြန်၍ ၀ါခေါင်လတွင်းတွင် ပစ္ဆိမ၀ါကပ်တော်
 မူခြင်း  စသောအကြောင်းများကြောင့် ၀ါခေါင်လတွင် မေတ္တာအခါတော်နေ့ 
 အထိမ်းအမှတ်ပွဲများကျင်းပလေ့ရှိကြပါသည် ၊

ဝါခေါင်လ နှင့်  စာရေးတံမဲ
      ၀ါခေါင်လ သည် မိုးဖြိုင်ရွာသွန်းသောလဖြစ်သဖြင့် လယ်သမားများ အလွန်အလုပ်
များသောလဖြစ်သည် ၊ လယ်ထွန် ၊ ပျိးကြဲပြီပျိုးနှုတ်ကောက်စိုက်သောအချိန်ဖြစ်သည်
ထိုအချိန်တွင် ၀မ်းစာစပါးများကုန်ုလုစဲဖြစ်နေပြီး ၊ အသစ်ထွက်စပါးများကလဲ မပေါ်သေးသဖြင့်
တခါတရံ အစာရေစာမလုံလောက်မှုနှင့်ကြုံတွေရတတ်လေသည် ။

      ဘုရားရှင်လက်တော်တွင် ဝေရဉ္စာမြို့ သည်အစာရေစာရှားပါ၍အသက်မွေးမြူရန်ခက်
ခဲသောအဖြစ်နှင့်ကြံတွေနေစဉ်ဖြစ်သည်၊
ဤသို့အခက်အခဲနှင့်ကြုံတွေနေချိန်တွင်ရဟန်းတော်များလဲဆွမ်းခံရန်ခက်ခဲသည်။

လူတို့ စားနပ်ရိက္ခာမလုံလောက်သောကြောင့် ရဟန်းများ ဆွမ်းကို စာရေးတံမဲချ၍ သုံးဆောင်ခဲ့ရသည် ၊ စာရေးတံမဲဆိုသည်မှာရာရှင်စံနစ်ဖြင့်အစားအစာကိုမျှတ၍ သုံးဆောင်ရသောစံနစ်ဖြစ်သည် ၊

              ဤ်ကို သကာလဘတ္တခေါ် စာရေးတံမဲ စရေးတံ ဆွမ်းဟု ခေါ်သည် ၊
စာရေးတံဆိုသည်မှာ စာအမှတ်အသားပါသော ၀ါးခြမ်းပြားတခုသာဖြစ်သည်။

      မျက်မမြင် စာမတက်သူတယေက်ကနှိုက်၍ပေါက်သောဝါးခြမ်းတွင်ပါသောသံဃာ
ကိုသာပင့်ဆောင်ရသည် ၊ ဤအလှူ မျိုးကား သံဃာတော်ကို တကာတကာမတို့က ဆွမ်းပင့်သောအခါ မည်သည့်သံဃာကိုရည်ရွယ်၍ပင့်ဖ်ိတ်၍မရစကောင်းမိမိစာရေးတံကျသောသံဃာကိုသာ
ပင့်၍ဆွမ်းကပ်ရသည် ။

ဝါခေါင်လနှင့် မဟာဒုတ် အလှူ
      မဟာဒုတ်မှာ သူဆင်းရဲလယ်သမားဖြစ်သည် ၊ ဆင်းရဲလွန်းသောကြောင့် ၀မ်းရေးကို
အနိုင်နိုင် အသက်မွေးနေရသောလင်မယားနှစ်ယောက်ဖြစ်သည်၊တခုသောဝါခေါင်လ တလတွင်
မဟာဒုတ်တို့ ရွာမှ ဘုရားရှင်နှင့်သံဃာတော်များဆွမ်းလှူရန်အလှဲ့ကျသည်။

 တအိမ်တပါးစီတာဝန်ယူရမည်ဟုသတ်မှတ်သောကြောင့် ၊ မဟာဒုတ်တို့ လင်မယား
လည်းသံဃာတပါးကိုတာဝန်ယူ၇မည်ဖြစ်သည်မဟာဒုတ်လင်မယားသည်ဆင်းရဲသော်လည်း သံဃာတပါးကိုတော့ဆွမ်းတနပ်ရအောင်လှုမည်ဟုစိတ်ဆုံးဖြတ်လိုက်ပြီး ၊
အလုပ်ကိုကျိုးစားလုပ်ကိုင်ကြ၏ ၊ ယောက်ျားလုပ်သူကလယ်လုပ်ရာတွင်သီချင်းတအေးအေးနှင့်
ဆွမ်းကပ်ရတော့မည်ကိုပျော်နေ၏။မယားလုပ်သူလဲဆန်ထောင်းရာတွင်
သီချင်းလေးတအေးအေးနှင့်ပျော် နေ၏ ။

       သံဃာတော်တို့ အားဆွမ်းပင့်ရမည့် တွင်ရွာသူရွာသားအသီးသီးသံဃာတပါးစီ
သူ့ ထက်ငါဦးအောင်ပင့်ဆောင်သွားကြသောကြောင့် မဟာဒုတ်တို့လင်မယားတွက်
သံဃာကုန်နေပြီဖြစ်သည် ။ ကံအားလျော်စွာ ဘုရားရှင်တပါးထဲသာကျန်တော့သည်
မဟာဒုတ်လဲ အရဲစွန့် ပြီး အရှင်ဘုရား၏သပ်ိတ်တော်ကိုတပည့်တော်အားချီးမြှောက်
ပါရန်လျောက်ထားသောအခါမြတ်စွာဘုရားကမဟာဒုတ်လက်သို့သပိတ်ကိုပေးအပ်
လိုက်လေသည် ၊ မဟာဒုတ်ဆင်းရဲသားလင်မယား မြတ်စွာဘုရား၏သပိတ်ကိုရသွား
သည်ကို သူဌေးသူကြွယ်များကမြင်သောအခါ အို မဟာဒုတ် သင့်အားရွှေငွေဥစ္စာအ
မြောက်အများပေးပါမည် သင့်လက်ထဲမှ သပိတ်ကို ဒို့့အားပေးပါဟုပြောကြသော်လဲ   
မဟာဒုတ်က မိမိ၏သဒ္ဒါကို အသပြာနှင့်မလဲနိုင်ဟုဆိုကာ မြတ်စွာဘုရားအားအိမ်သို့
ပင့်သွား၏ ၊ မြတ်စွာဘုရားဆွမ်းဘုန်ပေးပြီးနောက် ဆွမ်းအနုမောဒနာတရားဟော
သောအခါတွင် မဟာဒုတ်တို့ ဇနီးမောင်နှံနှစ်ဦးသောတပန်တည်ကြလေသည်။

      ဇနီးမောင်နှံနှစ်ဦး၏ ဆွမ်းအတွက် သဒ္ဒါထက်သန်စွာကျိုးစားအားထုတ်နေသည်ကို
စောင့်ကြည့်နေသော သိကြားမင်းက မဟာဒုတ်တို့့နေအ်ိမ်ပေါ်သုိ့ရတနာမိုးကြီးရွာ
သွန်းချလိုက်သောကြောင့် မဟာဒုတ်ဆင်းရဲသားလင်မယားသည်နေ့ချင်းညချင်းချမ်း
သာသွားကြလေသည်။

      မဟာဒုတ်ကိုအကြောင်းပြု၍ ၀ါခေါင်လတွင် မဟာဒုတ်မဲဖေါက်သည့်အလှူပွဲမျိုးကို
ပြုလုပ်လာကြလေသည် ၊

မောင်သုည