ရဲဘော်သုံးကျိပ်ဝင်

ဗိုလ်မှူးချုပ်ဟောင်း ကျော်ဇော
တရုတ်ပြည်၌ ကွယ်လွန်

တရုတ်နိုင်ငံ၌ နိုင်ငံရေးခိုလှုံနေရသော ရဲဘော်သုံးကျိပ်ဝင် ဗိုလ်မှူးချုပ်ဟောင်း ကျော်ဇော (အသက် ၉၃ နှစ်) သည် ကူမင်းမြို့ ဆေး ရုံကြီး တွင် ယနေ့ နံနက် ၃ နာရီခွဲခန့်က ကွယ်လွန်သွားကြောင်း သမီးဖြစ်သူ ဒေါက်တာ လှကျော်ဇော က ဧရာဝတီသို့ ပြောသည်။

“ကျမတို့ကတော့ ဘာမှပြောစရာ မရှိပါဘူး၊ နာရေးကို ပါတီက ဆက်ပြီး ကြေညာ ချက်ထုတ်ပါလိမ့်မယ်”ဟု ၎င်းက ဆိုသည်။

ဗိုလ်မှူးချုပ်ဟောင်း ကျော်ဇော ၏ ဈာပန အခမ်းအနားကိုလည်း ဗမာပြည် ကွန်မြူနစ်ပါတီ ၏ အစီအစဉ်ဖြင့် ဆောင်ရွက်မည် ဖြစ် ကြောင်း သိရသည်။ အသေးစိတ် အစီအစဉ်ကိုမူ မသိရှိရသေးပေ။။

ဗိုလ်မှူးချုပ်ကျော်ဇောသည် မကြာသေးခင်က အအေးဒဏ်ကြောင့် အဆုတ်ကိုပါ ထိခိုက်သည့်အပြင် ကျောက်ကပ် လည်း မကောင်းတော့ကြောင်း၊ ကွယ်လွန်ချိန်အထိ အောက်ဆီဂျင်ဖြင့် အသက်ရှုရကြောင်း သားဖြစ်သူ ဦးအောင်ကျော်ဇော က လည်း ပြောပြသည်။

ကွယ်လွန်ချိန်တွင် သမီး ဒေါက်တာ လှကျော်ဇော၊ ဒေါ်စန်းကျော်ဇော နှင့် သား ဦးအောင်ကျော်ဇော အပါအ၀င် မြေး ၇ ယောက် ကျန်ရစ်ခဲ့ကြောင်း သိရသည်။

တိုင်းပြည် လွတ်လပ်ရေးကြိုးပမ်းရာတွင် ပါဝင်ခဲ့သည့် ရဲဘော်သုံးကျိပ်ဝင်များ အနက် ဗိုလ်မှူးချုပ် ကျော်ဇောသည် ပြည်ပရှိ နောက်ဆုံး လက်ကျန် တဦး ဖြစ်သည်။

ဗိုလ်မှူးချုပ် ကျော်ဇောသည် ပဲခူးတိုင်း သာယာဝတီ ခရိုင် ဆိုင်းစုရွာ ဇာတိ ဖြစ်ပြီး နယ်ချဲ့ဆန်ကျင်ရေး လှုပ်ရှားမှုများတွင် ပါဝင် ခဲ့သည်။

ကိုလိုနီခေတ်က ဟိုင်နန်ကျွန်းသို့ သွားရောက်၍ ဗိုလ်ချုပ်အောင်ဆန်းနှင့်အတူ စစ်ပညာ သင်ယူခဲ့ပြီးနောက် မြန်မာ့သမိုင်းတွင် ထင်ရှားသည့် ရဲဘော်သုံးကျိပ်ဝင် တဦး ဖြစ်လာသည်။

ဂျပန်တော်လှန်ရေး ကာလအတွင်း စစ်တောင်းမြစ် အရှေ့ဘက်ခြမ်း တိုင်း အမှတ် ၄ စစ်ရေး ခေါင်းဆောင်တဦး အဖြစ် တာဝန် ယူ ရသည်။

လွတ်လပ်ရေးရပြီး ပြည်တွင်းစစ် အစပိုင်း တောင်ပိုင်းတိုင်း စစ်ဌာနချုပ် တိုင်းမှူး တာဝန်ယူ၍ ကရင် ကာကွယ်ရေး တပ် (KNDO)များ ၀ိုင်းထားသည့် ရန်ကုန်မြို့ကို ကာကွယ်နိုင်ခဲ့ပြီး ပဲခူး၊ ဖြူး၊ တောင်ငူမြို့များကို ဆက်လက် သိမ်းယူနိုင်ခဲ့သည်။

၁၉၄၉ ခုနှစ် KNDO တပ်များနှင့် သုံးလကြာ တိုက်ခိုက်ခဲ့ရသည့် အင်းစိန်တိုက်ပွဲသည် သူ၏ ဘ၀တွင် မမေ့နိုင်သော တိုက်ပွဲဖြစ် သည် ဟု ၎င်း၏ အတ္ထုပ္ပတ္တိ တွင် ရေးသားထားသည်။

၁၉၅၄ ခုနှစ်တွင် ကျူးကျော်သူ ကူမင်တန် တရုတ်ဖြူ တပ်များကို မြန်မာပြည်မှ မောင်းထုတ်နိုင်ခဲ့သည့် ဘုရင့်နောင် စစ်ဆင် ရေး ကို ဦးဆောင်ခဲ့သည်။

စစ်တိုက်ရာတွင် ရဲဘော် ရဲဘက်များနှင့် အတူ ယှဉ်ပေါင်တန်း တိုက်ပွဲဝင်တတ်သူ သတ္တိပြောင်မြောက်သူ တဦးအဖြစ် အများ က အသိအမှတ် ပြုပြောဆိုရသူ ဖြစ်သည်။

၁၉၅၇ ခုနှစ်တွင် စစ်ရေးဆိုင်ရာ လျှို့ဝှက်ချက်များ ပေါက်ကြားသည်ဟု စွပ်စွဲခံရပြီး တပ်မတော်မှ ထုတ်ပယ်ခြင်း ခံခဲ့ရသည်။

ထို့နောက် ဆရာကြီး သခင်ကိုယ်တော်မှိုင်း ၏ ဦးဆောင်မှုဖြင့် ပြည်တွင်း ငြိမ်းချမ်းရေး လုပ်ငန်းများကို ဆက်လက် လုပ်ကိုင်ခဲ့ပြီး ၁၉၇၆ ခုနှစ်တွင် ဗမာပြည် ကွန်မြူနစ်ပါတီ အခြေစိုက်ရာ တရုတ်-မြန်မာ နယ်စပ်သို့ ထွက်ခွာခဲ့ခြင်း ဖြစ်သည်။

မကြာသေးခင် က သမ္မတ ဦးသိန်းစိန်က ရဲဘော် သုံးကျိပ်ဝင် ဗိုလ်မှူးချုပ် ကျော်ဇော ကို မြန်မာပြည်သို့ ပြန်လာရန် ဖိတ်ခေါ်ခဲ့သေးသည်။

အခု သူ့ရဲ့ နောက်ဆုံးကာလများကို ဂုဏ်ပြုတဲ့ အနေနဲ့ ပြန်ဖော်ပြလိုက်ပါတယ်။

ရန်ပိုင်

----------------------------------------------------

ဗိုလ်မှူးချုပ် ကျော်ဇော
(၁၉၁၉ - ၂၀၁၂)

ဗိုလ်မှူးချုပ်ကျော်ဇောဟာ ရဲဘော်သုံးကျိပ်ဝင်တွေထဲက သက်ရှိထင်ရှား ကျန်ရှိနေသူ နှစ်ဦးမှာ တဦးဖြစ်တယ်။ မျိုးးချစ် စိတ်ဓာတ်ပြင်းထန်ပြီး လက်ဝဲယိမ်းတဲ့ ဗိုလ်ကျော်ဇော ဟာ ၁၉၄၄ ခုနှစ်မှာ ဗမာပြည်ကွန်မြူနစ်ပါတီထဲ ၀င်ခဲ့တယ်။ ပါတီက ရွေးချယ်တင်မြှောက်ထားတဲ့ ပါတီဗဟိုကော်မတီဝင်တဦးဖြစ်ပေမယ့် ပါတီရဲ့ လှုပ်ရှားမှုတွေမှာ ပါဝင်ခဲလှတယ်။ စစ်မြေပြင် က သူရသတ္တိပြောင်မြောက်မှုတွေကိုသာ လူသိများပါတယ်။

ဗိုလ်ကျော်ဇော ထင်ရှားကျော်ကြားခဲ့တာဟာ ၁၉၄၉ ခုနှစ်ကဖြစ်ပွားခဲ့တဲ့ အင်းစိန်တိုက်ပွဲမှာ စခဲ့တယ်။ ရန်ကုန်မြို့ မြောက်ဘက်ဆင်ခြေဖုံးနေရာတွေကို သိမ်းပိုက်ထားတဲ့ ကရင်သူပုန် တွေကို တိုက်ထုတ်ခဲ့တဲ့ သုံးလကျော်ကြာတိုက်ပွဲဟာ သူ့ရဲ့စစ်မှုထမ်းသက်တလျှောက် မေ့မရနိုင်တဲ့ အရှည်လျားဆုံးစစ်ပွဲ၊ အခက်ခဲဆုံး၊ အပင်ပန်းဆုံးနဲ့ အန္တရာယ်အများဆုံး စစ်ပွဲလို့ ကိုယ်တိုင်ရေးအတ္ထုပ္ပတ္တိထဲမှာ ရေးသားခဲ့တယ်။ အင်းစိန်တိုက်ပွဲမှာ ဗိုလ်ကျော်ဇောဟာ သူ့တပ်ဖွဲ့တွေနဲ့အတူ အမြဲ ရင်ပေါင်တန်း တိုက်ပွဲဝင်တတ်သူ သတ္တိပြောင်မြောက်တဲ့ တပ်မှူးတဦးအဖြစ် အထက်အရာရှိတွေနဲ့ စစ်သားဟောင်းကြီး တွေကလည်း အမှတ်ရကြတယ်။

ရှမ်းပြည်နယ်ထဲ ကူမင်တန်တပ်တွေ ကျူးကျော်ဝင်ရောက်မှုကို တပ်မတော်က တိုက်ထုတ်စဉ်ကလည်း ဗိုလ်ကျော်ဇော နာမည်ဟာ လူတိုင်းပါးစပ်ဖျားမှာ တဖွဖွပြောဆိုရတဲ့အထိ ဖြစ်ခဲ့တယ်။ ထိုင်း-မြန်မာနယ်စပ်တလျှောက် သူ့ရဲ့စွန့်စားခန်း တွေဟာ ဒဏ္ဍာရီဆန်ဆန်ပါပဲ။ မြန်မာတပ်တွေ ထိုင်းနိုင်ငံနယ်ခြားကို ဖြတ်သန်းခွင့်ရဖို့အတွက် ဘိန်းအရောင်းအ၀ယ်တခု မှာ ကူမင်တန်တွေလိမ်လိုက်တဲ့ ထိုင်းစစ်ဗိုလ်ချုပ်တယောက်နဲ့ ဗိုလ်ကျော်ဇော သဘောတူညီမှု ရယူခဲ့တယ်။

ထိုင်း-မြန်မာနယ်စပ်အနီး တောင်ထူထပ်တဲ့ ဒွိုင်တန်တောင်တန်းပေါ်က ကူမင်တန်တွေရဲ့ခံတပ်ကိုတိုက်ဖို့ စစ်ပြင်နေတုန်း ထိုင်းဆက်သွယ်ရေးအရာရှိတယောက်က ဒီခံတပ်ကိုသိမ်းပိုက်ဖို့ အချိန်ဘယ်လောက်ကြာမလဲလို့ မေးတဲ့အခါ “မနက် ၈ နာရီစတိုက်ရင် နောက်အကျဆုံး ညနေ ၄ နာရီ ငါတို့အလံကို တောင်ကုန်းပေါ်မှာ လွှင့်မယ်”လို့ ဗိုလ်ကျော်ဇောက အကြောင်းပြန်လိုက်တယ်။

အဲ့ဒီတိုက်ပွဲကိုကြည့်ဖို့ ထိုင်းနိုင်ငံဘက်အခြမ်းမှာ လူတသောင်းကျော် စုဝေးရောက်ရှိနေကြပြီး တချို့ဆိုရင် တိုက်ပွဲရဲ့ ရလဒ်ကို အလောင်းအစား လုပ်နေသူတွေတောင် ရှိခဲ့တယ်။ ဗိုလ်ကျော်ဇောဟာ သူပြောတဲ့အတိုင်း ညနေ ၄ နာရီမှာ မြန်မာအလံကို လွှင့်ထူနိုင်ခဲ့တယ်။

၁၉၅၇ ခုနှစ် ဧပြီလမှာ ဗိုလ်ကျော်ဇောရဲ့ကံကြမ္မာအပြောင်းအလဲဖြစ်ခဲ့တယ်။ မြန်မာနိုင်ငံအလယ်ပိုင်းက ဗမာပြည် ကွန်မြူနစ် ပါတီရဲ့ အမာခံစခန်းတခုကို ၀င်ရောက်စီးနင်းတိုက်ခိုက်ရာက ရှာဖွေတွေ့ရှိခဲ့တဲ့ အထောက်အထားတွေဟာ တပ်မတော်ရဲ့ လှုပ်ရှားမှုသတင်းတွေကို ကွန်မြူနစ်သူပုန်တွေထံ ဗိုလ်ကျော်ဇော ပို့ခဲ့တယ်လို့ဆိုပြီး ရာထူးကနေ အနား ပေးခဲ့တယ်။ တပ်မတော်ကနေ အနားယူခဲ့ပြီးနောက် ပြည်တွင်းငြိမ်းချမ်းရေးကို တက်တက်ကြွကြွထောက်ခံခဲ့တယ်။

၁၉၇၆ ခုနှစ်မှာ အစိုးရရဲ့ တင်းတင်းကျပ်ကျပ် စောင့်ကြည့်နေတဲ့ကြားကပဲ ဗမာပြည်ကွန်မြူနစ်ပါတီ ထိန်းချုပ်ရာနယ်မြေဆီ ရှောင်ထွက်နိုင်ခဲ့တယ်။ ကွန်မြူနစ်ပါတီ ဗဟိုကော်မတီနဲ့ စစ်ကော်မရှင်အဖွဲ့ဝင် ဖြစ်လာခဲ့တယ်။ ပါတီတွင်းပြိုင်ဆိုင်မှုတွေ ကြောင့် ပါတီပြိုကွဲခဲ့တဲ့ ၁၉၈၉ ခုနှစ်မှာတော့ ဗိုလ်ကျော်ဇော တရုတ်ပြည်ထဲ ၀င်ရောက်ခိုလှုံခဲ့ရတယ်။

ရဲနည်

.......................................

ဗိုလ်မှူးချုပ် ကျော်ဇော အတ္ထုပ္ပတ္တိ စာအုပ် ထုတ်ဝေ

ရန်ကုန် တော်ဝင်နှင်းဆီ ခန်းမ၌ ကျင်းပသောဗိုလ်မှူးချုပ်ဟောင်း ကျော်ဇော ၏ “ဆိုင်းစုမှသည် မန်ဟိုင်း ဆီသို့” စာအုပ် စာနယ်ဇင်း ရှင်းလင်းပွဲ (ဓာတ်ပုံ – ဧရာဝတီ)

ဗိုလ်မှူးချုပ်ဟောင်း ကျော်ဇော၏ “ဆိုင်းစုမှသည် မန်ဟိုင်း ဆီသို့” အမည်ရှိ ကိုယ်တိုင်ရေး အတ္ထုပ္ပတ္တိ ပေါင်းချုပ် စာအုပ်ကို ဖြိုးမောက် သာ စာစဉ် ၁ မှထုတ်ဝေ၍ ဓူဝံစာပေမှ အောက်တိုဘာ လကုန်ပိုင်းတွင် ဖြန့်ချိသွားမည်ဟု သိရသည်။

အဆိုပါ စာအုပ် ထုတ်ဝေရခြင်း ရည်ရွယ်ချက်မှာ လူငယ်မျိုးဆက်သစ်များအား နိုင်ငံရေးနှင့်ပတ်သက်ပြီး သိရှိစေရန်နှင့် နိုင်ငံရေး ကို မျိုးဆက်မပြတ် ထုတ်ဝေခြင်း ဖြစ်ကြောင်း ဖြိုးမောက်သာ မှ ဦးဘိုဘိုက ဧရာဝတီ သို့ ပြောသည်။

“ဒီစာအုပ်ကို ထုတ်ဝေခွင့်ပေးတဲ့အတွက် အားလုံးကိုကျေးဇူးတင်ပါတယ်။ ဗိုလ်ချုပ်ကျော်ဇောရဲ့စာအုပ်က ပြည်ပမှာပဲ ထုတ်သေးတာ။ ပြည်တွင်းမှာ မထုတ်သေးတဲ့အတွက် လိုအပ်ချက်တခုကြောင့် ထုတ်တာပါ။ ပြည်ပမှာ ထုတ်ထားတဲ့အတိုင်း မူရင်းစာလုံးတွေအားလုံး မပျက်အောင် လုပ်ထားပါတယ်။ အမှာစာပဲ ပြောင်းမှာပါ။ နောက်ထပ် ဦးကျော်ဇောနဲ့ပတ်သက်တဲ့ စာအုပ်တွေကိုလည်း ထုတ်သွားမှာပါ”ဟုလည်း ၄င်းက ဆိုသည်။

ထို့အပြင် ယင်းစာအုပ်ကို အကျိုးအမြတ်တခုမှမယူဘဲ လူငယ်များ၊ နိုင်ငံရေးသမားများ၏လက်ထဲသို့ ရောက်ရှိစေချင်သည့် ဆန္ဒနှင့် စာအုပ် အရည်အသွေးကိုလည်း အကောင်းဆုံးဖြစ်အောင် ကြိုးစားထားကြောင်း ယမန်နေ့က ရန်ကုန်မြို့ တော်ဝင်နှင်းဆီ ခန်းမ၌ ကျင်းပသော စာအုပ်ထုတ်ဝေခြင်းနှင့် ပတ်သက်သည့် စာနယ်ဇင်း ရှင်းလင်းပွဲ၌ ဦးဘိုဘိုက ဆက်လက် ပြောဆိုသွားသည်။

ဗိုလ်မှူးချုပ်ဟောင်း ကျော်ဇော ၏ သားဖြစ်သူ ဦးအောင်ကျော်ဇောက“အဖေ့ရဲ့ကိုယ်တိုင်ရေး အတ္ထုပ္ပတ္တိ စာအုပ်ကို ထုတ်ဝေပေး တဲ့ သူနဲ့ လူငယ်မျိုးဆက်တွေ လက်ထဲရောက်အောင် ပို့ပေးတဲ့အတွက် ကျေးဇူးတင်ပါတယ်”ဟု ပြောသည်။

ထင်ရှား ကြည်ညိုသူများ၏ အတ္တုပ္ပတ္ထိ စာအုပ်များ ထုတ်ဝေသည့်အတွက် အလွန်ဝမ်းသာကြောင်း၊ တနေ့တချိန်တွင် ထိုပုဂ္ဂိုလ်များ ၏ ဇာတ်လမ်းကို ရုပ်ရှင်ရိုက်ကူးသည့်အခါ အလွယ်တကူ ရှာ၍ရမည်ဖြစ်ကြောင်း၊ ဗိုလ်ချုပ်အောင်ဆန်း ၏ ဇာတ်လမ်းကို ရိုက် သည့် အခါ အတ္တုပ္ပတ္တိ ရှာဖွေရသည်မှာ အလွန်ပင် အခက်အခဲဖြစ်သည့်အတွက် ယခု စာအုပ် ထုတ်ဝေခြင်းကို ကြိုဆိုကြောင်း စာနယ်ဇင်း ရှင်းလင်းပွဲ တက်ရောက်လာသော စာရေးဆရာ မောင်မိုးသူ ကလည်း ပြောဆိုသည်။

မကြာသေးခင် ကလည်း နေရီရီ စာအုပ်တိုက် က ဗိုလ်မှူးချုပ်ဟောင်း ကျော်ဇော ၏ “အမျိုးသား လွတ်မြောက်ရေး တိုက်ပွဲများ” စာအုပ်ကို ပထမဆုံး ပြန်လည် ထုတ်ဝေခဲ့သေးသည်။

မြန်မာနိုင်ငံတွင်း၌ နှစ်ပေါင်းများစွာ ပိတ်ပင်ထားသည့် ဗိုလ်မှူးချုပ်ဟောင်း ကျော်ဇော၏ စာအုပ်များ ပြန်လည်၍ စတင် ထုတ်ဝေခွင့် ရလာခြင်း ဖြစ်သည်။

ဗိုလ်မှူးချုပ်ဟောင်း ကျော်ဇောသည် ရဲဘော်သုံးကျိပ်ဝင် တဦးဖြစ်ပြီး စစ်ပြီးခေတ် မြန်မာ့ တပ်မတော်ကို ပြန်လည်ဖွဲ့စည်းရာတွင် ပါ ၀င် ခဲ့သူတဦး ဖြစ်သည်၊၊

ပြည်တွင်းစစ် ကာလ၌ ကရင်အမျိုးသားကာ ကွယ်ရေးတပ်(KNDO)များ ၀န်းရံထားသည့် ရန်ကုန်မြို့ကို ကာကွယ်ပေးခဲ့ပြီး ကျူးကျော် သူ တရုတ်ဖြူ တပ်များကိုလည်း ရန်ကြီးအောင်၊ ဘုရင့်နောင် စစ်ဆင်ရေးများ ပြုလုပ်ကာ တိုက်ခိုက်ခဲ့သူ ဖြစ်သည်။

၁၉၇၆ ခုနှစ် ရန်ကုန်မြို့ စမ်းချောင်းနေအိမ်မှ ဗမာပြည် ကွန်မြူနစ်ပါတီ အခြေစိုက်ရာ တရုတ်-မြန်မာ နယ်စပ်သို့ ထွက်ခွာသွားသည့် နောက်ပိုင်း ပြည်တွင်းစစ်ကာလနှင့် တရုတ်ဖြူကျူးကျော်မှု အကြောင်း ရေးသားသည့် သမိုင်းနှင့် စစ်ဖက်ဆိုင်ရာ စာအုပ်များ တွင် ဗိုလ်မှူးချုပ်ကျော်ဇော အမည်အစား စစ်ဆင်ရေးမှူးကြီး၊ တိုင်းမှူးကြီး စသည့် နာမ်စား စကားလုံးများကိုသာ စာပေစိစစ်ရေး က သုံးစွဲခွင့်ပြုခဲ့သည်။

နန်းဆိုင်နွမ် (သတင်း)