တိတ်ခွေတစ်ခွေ၊ပန်းချီကားတစ်ချပ်နဲ့ စာအုပ်တစ်အုပ်

       သူ့ကို စမြင်ဘူးတော့၁၄နှစ်၁၅နှစ်အရွယ်။သူငယ်ချင်းရဲ့ အခန်းထဲကနေ ခန်းဆီးစလေးကွယ်ပြီးကြည့်ခဲ့ရတယ်။အဆိုတော်တဲ့ ။ခင်ဝမ်းတဲ့။ကျွန်မသူငယ်ချင်း အစ်မ၀မ်းကွဲရဲ့ယောက်ျား။ဂျပန်ကြီးလို့သူတို့ကခေါ်တဲ့ ဂျပန်ကပြား။အဆိုတော်သလို ပန်းချီဆွဲလဲတော်တဲ့ ပန်းချီဆရာ။သူ့သီချင်းတွေကလည်း သူကိုယ်တိုင်ရေးသတဲ့။ကြည့်စမ်း။တော်လိုက်တာ။ကျွန်မအိပ်မက်တွေ အကုန်သူရထားပါလား။"နှင်းဆီဖြူရဲ့ အဝေးကလူတစ်ယောက်" ဆိုတဲ့ သီချင်းကို ဆိုတဲ့အဆိုတော်။(တကယ်တော့ သူ့အသံကိုကျွန်မမကြားဖူးသေး။ အိမ်ရှေ့အဆောင်က ကျောင်းသားတွေအသံနဲ့စထိတွေ့ခဲ့ရတဲ့သီချင်း)ဒီလိုနဲ့ မျက်လုံးချင်း နှစ်ခါဆုံ အပြန်အလှန်ပြုံးပြအပြီးမှာတော့ တစ်လောကလုံးမှာ ခရမ်းနုရောင်တွေဖုံးလွှမ်းသွားခဲ့။(အဲဒီနေ့ကပြည်မှာဆောင်းဆိုတဲ့ အခွေကို လက်ဆောင်ရခဲ့တယ်)

    

      သူ့သီချင်းတွေကို ထပ်ပြန်တလဲလဲ နားထောင်ဖြစ်တာက RC2မှာ ကျောင်းတက်ဖြစ်တာက အစပြုခဲ့တယ်။ကျောင်းဝင်းထဲက canteenတွေက လူရှုပ်တယ်။ဆူညံတယ်။လူရှင်းတဲ့ အဆောင်တွေရှိတဲ့ဘက်က စားသောက်ဆိုင်တန်းမှာ သွားထိုင်ရင်း ခင်ဝမ်း၊ခင်မောင်တိုး၊ခိုင်ထူးတို့အခွေတွေကို နားထောင်ဖြစ်တယ်။တစ်နေ့တော့ သူငယ်ချင်းအချင်းချင်း အကြိုက်ဆုံးအဆိုတော်ဘယ်သူလဲဆိုတဲ့ မေးခွန်းကို မေးဖြစ်ကြတယ်။  " ခင်ဝမ်း" လို့တစ်ပြိုင်နက်ပြောမိပြီး ရီမိကြတယ်။      ခင်ဝမ်းဆွဲတဲ့ ပန်းချီကားကိုလည်း ကျွှန်မသူငယ်ချင်းရဲ့အိမ်မှာပဲ တွေ့ခဲ့တာပါ။၁၄လက်မလောက်ပဲ အကျယ်ရှိတဲ့ ပန်းချီကားချပ်ထဲမှာ ဆေးရောင်တွေလှတာကလွဲရင် ဘာမှ နားမလည်ခဲ့တဲ့ ပန်းချီကားပါ။ပန်းချီကားရဲ့အမည်က" နေနဲ့လ "တဲ့။

စိတ္တဇပန်းချီ ဆိုပေမယ့် ကျွန်မမြင်ဘူးတဲ့ ဗဂှီအောင်စိုးရဲ့ စိတ္တပန်းချီနဲ့မတူပါဘူး။(အထင်ကြီးနေဦးမယ်။ပန်းချီအောင်စိုးရဲ့ပန်းချီတွေမြင်ဘူးတယ်ဆိုလို့ ကျွန်မမြင်ဖူးတာ မဂ္ဂဇင်းတွေမှာပါ)ခင်ဝမ်းရဲ့ သီချင်းတွေကို နားထောင်ရင် မျက်စေ့ထဲမှာ ပန်းချီဆေးရေးချယ်ထားသလို ကွက်ကွက်ကွင်းကွင်းထင်ထင်ရှားရှာ လှပစွာမြင်နိုင်သလောက်  သူ့ပန်းချီကားတွေကတော့ တစ်ဆင်ခံရှင်းပြတဲ့ နားနဲ့နားထောင်မှသာနားလည်နိုင်ပါတယ်။ကျွန်မတွေ့ဖူးတဲ့နေနဲ့လ ဆိုတဲ့ပန်းချီကားမှာ နေလရဲ့ သင်္ကေတစက်ဝိုင်းတစ်ဝိုင်းမှမပါပါဘူး။ ဒါကြောင့်လည်း သူ့ကို"အသံနဲ့ ပန်းချီဆွဲ၊စုတ်တံနဲ့ သီချင်းရေးသူ"လို့ ပြောကြတာပါ။      RC2ကနေ ရန်ကုန်တက္ကသိုလ်စရောက်တဲ့နှစ်မှာ မေဂျာတွေ ကွဲသွားပေမယ့် ကျွန်မတို့ရဲ့ဆုံရပ်က တောင်ငူစားသောက်ဆိုင်တန်းက အရှည်ကြီးဆိုင်။လွယ်အိတ်ထဲမှာ အမြဲပါတာက ခင်ဝမ်းအခွေ။ဒီလိုနဲ့

    ၈၄ခုနှစ်ရဲ့နွေရာသီနေ့တစ်နေ့မှာ ကျွန်မတို့အုပ်စုထဲကို လူစိမ်းတစ်ယောက်ရောက်လာတယ်။သူကနေတဆင့်ကျွန်မတို့ရဲ့ ဟီးရိုးတွေ အကြောင်းကို ပိုပြီးသိရလေ့လာမှတ်သားရပါတယ်။ဒီလိုနဲတစ်ရက်မှာတော့ ကျွန်မဖတ်မိတဲ့ ၀တ္ထုတိုတစ်ပုဒ်အကြောင်း ပြောပြပါတယ်။စာရေးဆရာက" ကျော်စွာထက်"၊ ၀တ္ထုနာမည်က"အင်းဆက်တစ်ကောင်ရဲ့ ဈာပန" ၀တ္ထုအမျိုးအစားက မော်ဒန်လို့ပဲပြောရမလား။ဇာတ်လမ်း ဇာတ်ကြောင်းလုံးဝမရှိ။ဒါမှမဟုတ် စာကြောင်းတစ်ကြောင်းတိုင်းက ၀တ္ထုတစ်ပုဒ်လိုကလည်းဆိုနိုင်တဲ့ ၀တ္ထုပါ။အဲဒီဝတ္ထုတိုထဲမှာ စာကြောင်းတစ်ကြောင်းပါပါတယ်။

       မောင့်လပြည့်ဝန်းသီချင်းရေးတဲ့ ကိုနေ၀င်းလို သီချင်းရေးဆရာဟာ နိုင်ငံခြားမှာ သာဆိုရင် မီလျံနာဖြစ်နေပြီဆိုတဲ့စာကြောင်းပါ။ ဒီဝတ္ထုတိုထဲက ဒီစာသားလေးကို ကြားတဲ့လူစိမ်းက အဲ့ဒီအကြောင်းကို ခရမ်းပြာမှာဖောက်သည်ချလိုက်ပါတယ်။ ကိုနေ၀င်းက ဖတ်ချင်တယ်လို့ ပြောတယ်ဆိုတာနဲ့ ကျွန်မလည်း ငှားလိုက်ပါတယ်။မိုးဝေမဂ္ဂဇင်းစာအုပ်လေး စတင်ငှားမိရာကနေ ခရမ်းပြာနဲ့ အရှည်ကြီးဆိုင်ကြားမှာ စာအုပ်အငှားဆိုင်လေး တည်ဖြစ်သွာတယ်။ဆောင်းဦးပေါက်လောက်မှာ ကျွန်မရဲ့ မဂ္ဂဇင်းစာအုပ်ပြန်မရသေးတာကို သတိရမိပါတယ်။ဒါနဲ့ ခရမ်းပြာမှာ ကျွန်မစာအုပ်ကိုပြန်တောင်းပေးဖို့ ကိုလူစိမ်းကိုပြောရတာပေါ့။  

ပြန်ပေးပြီးပြီမဟုတ်လားဆိုတဲ့ စကားကိုအကြားမှာ  အဲဒီတုန်းက ခင်ဝမ်းက ကျော်စွာထက်ဝတ္ထုကိုဖတ်ပြီးငါတို့လိုလူမျိုးတွေအကြောင်းကိုရေးထားတဲ့ဝတ္ထုလို့ပြောတယ်။ပြီးတော့ သူတစ်ခြားကဗျာတွေ ၀တ္ထုတွေဖတ်ဖို့ ဆက်ငှားပါလို့ ပြောတယ်လေလို့ ကျွန်မက ပြန်ပြောလိုက်ပါတယ်။ ခင်ဝမ်းဆီက သွားပြန်တောင်းပေးဒါမှမဟုတ် ကျွန်မလိုက်တောင်းရမလားလို့ ဂျီကျပါတော့တယ်။ ခင်ဝမ်းမရှိသေးဘူး ပြည်ကိုပြန်သွားတယ်ဆိုတဲ့အကြောင်းပဲ သိရပြီးကျွန်မစာအုပ်ကတော့ ပြန်ရဖို့ အလားအလာမကောင်းလို့ ယူဆပြီး စိတ်လျှော့လိုက်ပါတယ်။

      ၈၅ရဲ့ နွေဦးပေါက်နေ့ တစ်နေ့မှာ အရှည်ကြီးက ကျွန်မတို့ရဲ့ ဆုံရပ်မှာ စာတိုပေစ တစ်ချို့ရေးချွတ်နေချိန်မှာကျွန်မရှေ့ကို စာအုပ်တစ်အုပ် ကျလာပါတယ်။မိုးဝေမဂ္ဂဇင်းစာအုပ်လေး" ရော့ ဒီမှာ နင့်စာအုပ်ကို ခင်ဝမ်းသိမ်းထားတယ်။ခုပြန်ပေးလိုက်တယ်နော်"ဆိုတဲ့ ကိုလူစိမ်းရဲ့ စကားသံ။သူ့ကို စကားပြန်မပြောနိုင်ပဲ ဒီမိုးဝေစာအုပ်ကလေးက ကျွန်မအလွန်နှစ်သက်သဘောကျတဲ့ လေးစားတဲ့ ခင်ဝမ်းဆီမှာ အကြာကြီးရောက်နေပါလားဆိုတဲ့ အတွေးနဲ့ ပီတိဖြစ်ခဲ့ရပါတယ်။ဒီစာအုပ်ကိုတော့ ဘယ်သူ့မှမငှားပဲသိမ်းထားတော့မယ်လို့  ကိုလူစိမ်းကိုပြုံးပြီးပြောလိုက်တော့ ကျွန်မကို အဲဒါကြောင့် နင့်မှာရောဂါရှိတယ်ပြောတာလို့ပြန်ပြောခဲ့ပါတယ်။သူနာမည်တတ်တဲ့ ကျွန်မရောဂါနာမည်က khinonemania တဲ့။

Moemakha Hlaing

(၁၃ နှစ်ပြည့် ခင်ဝမ်း ကွယ်လွန်ခြင်းသတိတရ)